Gautam Adani : उद्योगपती गौतम अदानी यांच्या समूहाने कर भरण्यात इतिहास रचला आहे. अदानी समूहाने जारी केलेल्या अहवालानुसार 2024 या आर्थिक वर्षात त्यांनी 58 हजार कोटी रुपयांहून अधिक कर जमा झाला आहे. याचा अर्थ समूहाने दर तासाला 6.63 कोटी रुपयांचा कर भरला आहे. तर, त्यापूर्वी 2022-23 या आर्थिक वर्षात 46,610 कोटी रुपयांचा कर भरला होता.
किती कर जमा केला?गौतम अदानी यांच्या नेतृत्वाखालील समूहाने आर्थिक वर्ष 2023-24 (एप्रिल, 2023 ते मार्च, 2024) साठी आपला कर पारदर्शकता अहवाल प्रसिद्ध केला आहे. अदानी समूहाने सांगितले की, भरलेल्या करांमध्ये जागतिक कर, कर्तव्ये आणि अदानी पोर्टफोलिओ कंपन्यांद्वारे वहन केलेले इतर शुल्क, अप्रत्यक्ष कर योगदान आणि इतर भागधारकांनी वाढवलेले शुल्क आणि कर्मचाऱ्यांच्या फायद्यासाठी सामाजिक सुरक्षा योगदान यांचा समावेश आहे. यानुसार, अदानी समूहाने वित्तीय वर्ष 2023-24 साठी एकूण 58,104.4 कोटी रुपये कर भरला आहे. हा मागील आर्थिक वर्ष 2022-23 मधील 46,610.2 कोटी रुपयांच्या तुलनेत जास्त आहे.
समूहाती या कंपन्यांचा समावेशअदानी एंटरप्रायझेस, अदानी पोर्ट्स आणि स्पेशल इकॉनॉमिक झोन, अदानी ग्रीन एनर्जी, अदानी एनर्जी सोल्युशन्स, अदानी पॉवर, अदानी टोटल गॅस आणि अंबुजा सिमेंट्स या समूहाच्या सात सूचीबद्ध कंपन्यांनी प्रकाशित केलेल्या स्वतंत्र अहवालांमध्ये हे तपशीलवार नमूद केले आहे. या आकडेवारीत तीन इतर सूचीबद्ध कंपन्यांनी भरलेल्या कराचाही समावेश आहे, ज्यात NDTV, ACC आणि संघी इंडस्ट्रीजचा समावेश आहे.