FD Investment : देशातील सर्वसामान्य नागरिकांना गुंतवणुकीसाठी अनेक उत्तम पर्याय उपलब्ध आहेत. यामध्ये म्युच्युअल फंड, पीपीएफ, एनपीएस, बँक एफडी अशा अनेक योजनांचा समावेश आहे. पण आजही भारतातील एक मोठा वर्ग बँक एफडी (फिक्स्ड डिपॉझिट) सर्वात सुरक्षित गुंतवणूक मानतो. बँक एफडीमध्ये गुंतवणूकदारांना निश्चित कालावधीसाठी गुंतवणूक करावी लागते, ज्यावर त्यांना निश्चित परतावा मिळतो. यामुळे बहुतांश लोक बँक एफडीवर सर्वाधिक विश्वास ठेवतात.
10 वर्षांच्या FD वर पैसे दुप्पट
सामान्यतः लोक एफडीमध्ये 1 किंवा 2 वर्षांसाठी गुंतवणूक करतात, परंतु तुम्ही एफडीमध्ये दीर्घ कालावधीसाठी गुंतवणूक केल्यास, तुम्हाला बंपर नफा मिळू शकतो. खाजगी क्षेत्रातील Axis बँक आणि HDFC बँक 10 वर्षांच्या दीर्घ कालावधीच्या FD योजनांवर ग्राहकांना 7 टक्के व्याज देत आहेत. सर्वात महत्त्वाची गोष्ट म्हणजे, 10 वर्षांच्या कालावधीसाठी तुम्ही या व्याजदरावर तुम्हाला हवे तितके पैसे गुंतवू शकता, मॅच्युरिटीवर तुम्हाला दुप्पट पैसे मिळतील.
Axis Bank FD
तुम्ही Axis बँकेत 10 वर्षांसाठी 10,00,000 रुपयांची FD केल्यास तुम्हाला मॅच्युरिटीवर 20,01,597 रुपये मिळतील. ॲक्सिस बँक 10 वर्षांच्या मुदतीच्या एफडी योजनेवर ज्येष्ठ नागरिकांना 7.75 टक्के व्याज देत आहे. जर एखाद्या ज्येष्ठ नागरिकाने या मुदतीच्या FD योजनेत 10 लाख रुपयांची गुंतवणूक केली, तर त्याला मॅच्युरिटीवर 21,54,563 रुपये मिळतील.
HDFC Bank FD
जर तुम्ही एचडीएफसी बँकेत 10 वर्षांसाठी 10,00,000 रुपयांची एफडी केली, तर तुम्हाला मॅच्युरिटीवर 20,01,463 रुपये मिळतील. एचडीएफसी बँक FD योजनेवर ज्येष्ठ नागरिकांना 7.50 टक्के व्याज देत आहे. एखाद्या ज्येष्ठ नागरिकाने या मुदतीच्या FD योजनेत 10 लाख रुपयांची गुंतवणूक केल्यास, त्याला मॅच्युरिटीवर 21,02,197 रुपये मिळतील.