सध्या सर्वच दूरसंचार कंपन्यांममध्ये आपले ग्राहक टिकवण्यासाठी आणि आपल्याकडे नव्या ग्राहकांना आकर्षित करण्याचे प्रयत्न सुरू आहेत. अशातच कंपन्या आपल्या ग्राहकांसाठी निरनिराळे प्लॅन्स ऑफर करत आहेत. व्होडाफोन आयडियाने (Vodafone Idea) अलीकडेच अनेक नवीन पोस्टपेड प्लॅन्स लाँच केले आहेत. हे नवीन पोस्टपेड प्लॅन कंपनीने ऑफर केलेल्या जुन्या प्लॅनच्या किंमतीपेक्षा फारसे वेगळे नाहीत. हे नवीन प्लॅन मुळात जुन्या प्लॅनपेक्षा 2 रुपयांनी महाग आहेत आणि ग्राहकांना पूर्वीपेक्षा जास्त फायदे देतात. यापैकी एक Vodafone Idea चा 501 रुपयांचा प्लान आहे.
आम्ही या प्लॅनची एअरटेलच्या 499 रुपयांच्या प्लॅनशी तुलना करणार आहोत. आम्ही Airtel कडून Rs 499 चा प्लान निवडत आहोत कारण तो Vodafone Idea च्या 501 रुपयांच्या प्लॅनच्या जवळपासचाच आहे आणि Airtel देखील पोस्टपेड सेगमेंट मध्ये Vi चे प्रमुख स्पर्धक आहे. दोनपैकी कोणता प्लॅन चांगला आहे आणि अधिक फायदे देतो याबद्दल तुम्ही गोंधळलेले असाल, तर चला दोन्ही योजनांची तपशीलवार तुलना पाहू.
Airtel Rs 499 Postpaid Plan: Airtel च्या या प्लॅनमध्ये एकूण 75GB डेटा (200GB डेटा रोलओव्हर), अमर्यादित व्हॉइस कॉल, दररोज 100 SMS, 6 महिन्यांसाठी ॲमेझॉन प्राईम, Disney + Hotstar मोबाइल 1 वर्षासाठी, हँडसेट प्रोटेक्शन, Wink Premium देण्यात येत आहे. याशिवाय नियमित लाभासाठी अतिरिक्त कनेक्शनवर २९९ रुपये आकारले जातील.
Vodafone Idea Rs 501 Postpaid Plan: हा प्लॅन ऑनलाइन खरेदी केल्यास एकूण 90GB+50GB अतिरिक्त (200GB डेटा रोलओव्हर), अमर्यादित व्हॉईस कॉल, 3000 SMS प्रति महिना, Amazon Prime 6 महिन्यांसाठी, Disney+ Hotstar Mobile 1 वर्षासाठी, Vi Movies & TV VIP, 6 महिने, Vi अॅपमध्ये हंगामा म्युझिक, व्ही गेम्स (दर महिन्याला 5 गोल्ड गेम्ससह 1000+ गेम), रात्री अमर्यादित डेटा (12 AM ते 6 AM) सारखे फायदे ऑफर केले जातात. या दोन्ही प्लॅन्समध्ये जीएसटीचा समावेश नाही.
हे स्पष्ट आहे की जर तुम्ही डेटा प्रेमी असाल तर Vi चा प्लॅन येथे अधिक डेटा ऑफर करतो. डेटा रोलओव्हर मर्यादा दोन्ही प्लॅनमध्ये (200GB) समान आहे, Vi चा Rs 501 प्लॅन Airtel च्या Rs 499 च्या प्लान पेक्षा 15GB जास्त डेटा ऑफर करतो. त्याच वेळी, जर Vi चा प्लॅन ऑनलाइन खरेदी केला असेल, तर तुम्हाला फक्त 2 रुपयांमध्ये 50GB डेटा अतिरिक्त मिळेल, Vi च्या प्लॅनमध्ये 65GB अधिक डेटा मिळेल. याव्यतिरिक्त, व्ही प्लॅन रात्री अमर्यादित डेटा ऑफर करतो, जो रात्री चित्रपट-शो पाहण्यास प्राधान्य देणाऱ्या वापरकर्त्यांसाठी बोनस आहे. दोन्हीपैकी कोणता प्लॅन अधिक चांगला आहे हे निवडणं कठीण आहे. परंतु व्होडाफोन आयडियाचा प्लॅन डेटाच्या तुलनेत अधिक चांगला आहे.