ॲपलनं नुकताच आपला iPhone 15 लाँच केला. त्यानंतर आता जुन्या iPhone मॉडेल्सच्या किंमती कमी होत असल्याचं दिसून येत आहे. अशा परिस्थितीत आयफोन १३ च्या विक्रीला सर्वाधिक मागणी दिसून येत आहे. याचं कारण म्हणजे iPhone 13 हे सर्वात स्वस्त मॉडेल ठरलंय. हा फोन फ्लिपकार्टवरून २७,४०१ रुपयांच्या फ्लॅट डिस्काउंटवर खरेदी करता येईल.
स्वस्तात करा खरेदी
iPhone 13 चा १२८ जीबी स्टोरेज व्हेरिएंट फ्लिपकार्टवर (Flipkart) ५२,४९९ रुपयांच्या किमतीत लिस्ट झाला आहे. हा फोन २७,४०१ रुपयांच्या फ्लॅट डिस्काऊंटवर लिस्ट करण्यात आलाय. कंपनीनं नुकतीच भारतात iPhone 13 ची किंमत कमी करून ती ५९,९०० रुपयांपर्यंत खाली आणली आहे. पण जर तुमचे बजेट कमी असेल आणि तुमची थांबण्याची तयारी असेल तर तुमचे पैसे वाचू शकतात.
ॲमेझॉन आणि फ्लिपकार्टचा दिवाळी सेल लवकरच सुरू होणार आहे. याआधी, फ्लिपकार्टचा बिग बिलियन डेज सेल आणि अॅमेझॉनचा ग्रेट इंडियन फेस्टिव्हल सेल सुरू होईल. तो ऑक्टोबरच्या पहिल्या आठवड्यात किंवा दुसऱ्या आठवड्यात सुरू होईल. या सेलमध्ये iPhone 13 वर जबरदस्त डिस्काउंट ऑफर दिली जाणार आहे.
स्पेसिफिकेशन्स
iPhone 13 मध्ये ६.१ इंचाचा सुपर रेटिना XDR डिस्प्ले देण्यात आलाय. हा फोन ड्युअल रियर कॅमेरा सेटअप सह येतो. त्याचा मुख्य कॅमेरा १२ मेगापिक्सेलचा आहे. तसंच १२ मेगापिक्सेलचा ट्रू डेप्थ फ्रंट कॅमेरा देण्यात आलाय. याशिवाय यात ए१५ बायोनिक चिपसेट सपोर्टसह येतो. फोनमध्ये iOS १७ ऑपरेटिंग सिस्टम सपोर्ट देण्यात आलीये.