Stock Market T+ 0 Settlement : गेल्या काही महिन्यांमध्ये शेअर बाजारातगुंतवणूक करणाऱ्यांची संख्या मोठ्या प्रमाणात वाढली आहे. जर तुम्हीही शेअर बाजारात ट्रेडिंग करत असाल तर तुमच्यासाठी ही आनंदाची आणि महत्त्वाची बातमी आहे. शेअर्सच्या खरेदी-विक्रीसाठी पेमेंट सिस्टम गुरुवारपासून म्हणजेच बदलतेय. गुरुवारपासून सुरू होणाऱ्या T+0 सेटलमेंट सायकलसाठी बीएसईनं २५ शेअर्सची यादी प्रसिद्ध केली आहे.
बाजार नियामक सेबीनं या महिन्याच्या सुरुवातीला पर्यायी आधारावर T+0 ट्रेड सेटलमेंट सायकलच्या बीटा व्हर्जनसाठी फ्रेमवर्क सादर केला होता. त्यानंतर आता बीएसईनं हे पाऊल उचलल्याचं म्हटलंय. T+0 सेटलमेंट सायकलसाठी पात्र असलेल्या शेअर्समध्ये अंबुजा सिमेंट्स, अशोक लेलँड, बजाज ऑटो, बँक ऑफ बडोदा आणि बीपीसीएलसारख्या शेअर्सचा समावेश आहे.
T+0 सेटलमेंट सायकल पर्यायी आधारावर एक्सचेंजेसवर लाइव्ह होईल. सध्या ही प्रणाली एक पर्याय म्हणून आणली जात आहे. अशा परिस्थितीत, T+1 सेटलमेंट सुरू राहील. T+0 सेटलमेंटच्या बीटा व्हर्जन नंतर इंस्टंन्ट सेटलमेंट पूर्णपणे लागू होण्यासाठी वेळ लागेल. सेबीच्या म्हणण्यानुसार, पुढील वर्षी मार्चपर्यंत त्याची पूर्ण अंमलबजावणी होईल. सेबीनं २१ मार्च रोजी T+0 सेटलमेंट सिस्टमच्या बीटा व्हर्जनसाठी फ्रेमवर्क जारी केलं होतं. सध्या भारतीय शेअर बाजार सर्व शेअर्ससाठी T+1 सेटलमेंट सायकलवर काम करतो.
काय आहे T+0 सेटलमेंट?
शेअर बाजारात शेअर खरेदी करणाऱ्यांच्या अकाऊंटमध्ये शेअर्स ट्रान्सफर आणि विकणाऱ्याच्या अकाऊंटमधून जे शेअर विकले जातात, त्याची अमाऊंट ट्रान्सफर म्हणजे सेटलमेंट. T+0 सेटलमेंटमध्ये, शेअर्सच्या खरेदी आणि विक्रीचे सेटलमेंट एकाच दिवशी होईल. T+0 सेटलमेंटच्या पहिल्या टप्प्यात त्याच दिवशी सेटलमेंट लागू केलं जाईल, त्यानंतर त्याच दिवशी खरेदीदाराला शेअरचं वाटपही केलं जाईल आणि त्याच दिवशी विक्रेत्याच्या खात्यात पैसे जमा केले जातील. T+0 स्टॉक्समध्ये ट्रेडिंग सेटमेंट सुट्टीच्या दिवशी होणार नाही.
कोणत्या शेअर्समध्ये T+0 सेटलमेंट?
- अशोक लेलँड लिमिटेड
- बजाज ऑटो लिमिटेड
- बँक ऑफ बडोदा
- भारत पेट्रोलियम कॉर्पोरेशन लिमिटेड
- बिर्लासॉफ्ट लिमिटेड
- सिप्ला लिमिटेड
- कोफोर्ज लिमिटेड
- दिविज लेबोरेटरीज लिमिटेड
- हिंदाल्को इंडस्ट्रीज लिमिटेड
- इंडियन हॉटेल्स कंपनी लिमिटेड
- जेएसडब्ल्यू स्टील लिमिटेड
- एलआयसी हाउसिंग फाइनान्स लिमिटेड
- एलटीआय माइंडट्री लिमिटेड
- एमआरएफ लिमिटेड
- नेस्ले इंडिया लिमिटेड
- एनएमडीसी लिमिटेड
- ऑईल अँड नॅचरल गॅस कॉर्पोरेशन
- पेट्रोनेट एलएनजी लिमिटेड
- संवर्धन मदरसन इंटरनॅशनल लिमिटेड
- भारतीय स्टेट बँक
- टाटा कम्युनिकेशन्स लिमिटेड
- ट्रेंट लिमिटेड
- युनियन बँक ऑफ इंडिया
- वेदांता लिमिटेड