अयोध्येत २२ जानेवारी रोजी प्राणप्रतिष्ठा सोहळा होणार आहे. देशभरात भव्य कार्यक्रमांची तयारी जोरात सुरू आहे. दरम्यान, या सोहळ्याचा लहान-मोठ्या व्यावसायिकांनाही फायदा होत आहे. लोक मोठ्या प्रमाणावर झेंडे, फुले, पूजा साहित्य, मिठाई आणि दिवे खरेदी करत आहेत. व्यापाऱ्यांची संघटना कॉन्फेडरेशन ऑफ ऑल इंडिया ट्रेडर्सनुसार, देशभरातील व्यापाऱ्यांचा एक लाख कोटी रुपयांहून अधिकचा व्यवसाय झाला आहे. व्यापारी संघटनांनी २२ जानेवारीला विशेष बनवण्यासाठी जोरदार तयारी केली आहे.यामुळे देशातील व्यवसायही वाढला आहे.
याबाबत कॅटचे राष्ट्रीय सरचिटणीस प्रवीण खंडेलवाल यांनी माहिती दिली. ते म्हणाले, सोमवारी अयोध्येतील राम मंदिराच्या अभिषेक प्रसंगी देशभरातील व्यापारी आपली दुकाने सुरू ठेवतील. ‘हर शहर अयोध्या-घर घर अयोध्या’ या नावाने व्यापारी समुदायामध्ये राष्ट्रीय मोहीम राबवली जात आहे. या अंतर्गत दिल्ली आणि देशातील सर्व राज्यांतील व्यापारी संघटनांनी २२ जानेवारीला बाजार खुला ठेवण्याची आणि अनेक कार्यक्रमांचे आयोजन करण्याची तयारी केली आहे. राजधानी दिल्लीसह देशातील सर्व बाजारपेठा खुल्या राहतील आणि व्यापारी सर्वसामान्यांसोबत श्री राम मंदिराचा उत्सव साजरा करतील, असंही खंडेलवाल म्हणाले.
भारताशी पंगा घेणे मालदीवला महागात पडले! जनजीवन संकटात, आता माफी मागताहेत
सोमवारी दिल्लीत सुमारे दोन हजार छोटे-मोठे कार्यक्रम होणार असल्याचे खंडेलवाल यांनी सांगितले. २२ जानेवारीला ३० हजाराहून अधिक कार्यक्रम होणार आहेत. २२ जानेवारीला हा विक्रम होणार असल्याचा दावा त्यांनी केला. या शतकातील हा सर्वात मोठा दिवस असेल, जेव्हा एकाच दिवशी अनेक कार्यक्रम होतील. घरे, बाजार, मंदिरे आणि इतर ठिकाणे सजवण्यासाठी फुलांना जास्त मागणी असते. मातीचे दिवे विकत घेणारा लोकांचाही ओघ कायम आहे. मिठाईच्या दुकानांवर मोठी गर्दी दिसून येत आहे. लोक प्रसादासाठी मोठ्या प्रमाणात मिठाई खरेदी करत आहेत. बाजारपेठेत राम झेंड्यांची टंचाई निर्माण झाल्याची स्थिती आहे.
देशभरात राम मंदिर प्राणप्रतिष्ठा सोहळ्याचा देशभरात उत्साह आहे. देशातील स्रवच मंदिरात वेगवेगळ्या उपक्रम होणार आहेत.