उद्योजकांच्या मदतीसाठी सहायता कक्ष स्थापन

महाराष्ट्र औद्योगिक विकास महामंडळ व महाराष्ट्र उद्योग व्यापार व गुंतवणूक सहायता कक्ष (मैत्री) आणि महाराष्ट्र शासन यांच्या संयुक्त विद्यमाने एका सहायता कक्षाची स्थापना करण्यात आली आहे.

मुंबई : लॉकडाउनच्या काळात उद्योग सुरू करण्यासाठी महाराष्ट्र औद्योगिक विकास महामंडळ व महाराष्ट्र उद्योग व्यापार व गुंतवणूक सहायता कक्ष (मैत्री) आणि महाराष्ट्र शासन यांच्या संयुक्त विद्यमाने एका सहायता कक्षाची स्थापना करण्यात आली आहे.
उद्योग सुरू करण्यासाठी http:/permission.midcindia.org  या संकेतस्थळावर अर्ज करून परवानगी प्राप्त करण्याचे आवाहन करण्यात आले आहे. याशिवाय आवश्यकता भासल्यास maitri-mh@gov.in या ई-मेलही संपर्क साधता येणार आहे. तसेच संपर्कासाठी ०२२-२२६२२३२२, किंवा २२६२२३६२ या दूरध्वनी क्रमांकावर सोमवार ते शुक्रवार सकाळी १० ते सायंकाळी ६ या वेळेत संपर्क साधता येणार आहे. उद्योजकांनी या सहायता कक्षाची मदत जरूर घ्यावी आणि आपला उद्योग पुन्हा सुरू करावा, असे आवाहन महाराष्टÑ औद्योगिक विकास महामंडळातर्फे करण्यात आले आहे. (वा.प्र.)