पॅरिस : जगातील सर्वात श्रीमंत व्यक्ती बर्नार्ड अरनाॅल्ट हे त्यांचा लक्झरी ब्रॅण्ड लुई वुईटनचे साम्राज्य चालविण्यासाठी उत्तराधिकारी निवडणार आहेत. यासाठी त्यांनी नुकतीच त्यांच्या पाच मुलांची ऑडिशन घेतली. त्यासाठी त्यांनी ‘लंच टाइम’ निवडला. प्रत्येक महिन्यात ही परीक्षा होते. ७४ वर्षीय अरनाॅल्ट स्वतंत्रपणे प्रत्येक मुलाची भेट घेतात. ही भेट बहुतांश वेळेत दुपारच्या जेवणादरम्यान हाेते.
अरनाॅल्ट यांनी विचारले, तुमच्याकडे काय याेजना?अरनाॅल्ट जवळपास ९० मिनिटांपर्यंत चर्चा करतात. विविध व्यवस्थापकांसंदर्भात ते मुलांची मते जाणून घेतात. तसेच व्यवसायासाठी प्रत्येकाकडे काेणत्या याेजना आहेत, हेदेखील जाणून घेतात.
इलाॅन मस्क यांना टाकले मागेबर्नार्ड अरनाॅल्ट हे अखेरीस इलाॅन मस्क यांना मागे टाकून जगातील सर्वात श्रीमंत व्यक्ती झाले. त्यांच्याकडे २१२ अब्ज डाॅलर्स एवढी संपत्ती आहे.