सोन्या-चांदीच्या भावात घसरण

दागिने निर्माते आणि किरकोळ विक्रेते यांनी खरेदीत हात आखडता घेतल्यामुळे सोमवारी सराफा बाजारात सलग तिसऱ्या सत्रात घसरण पाहायला मिळाली.

नवी दिल्ली : दागिने निर्माते आणि किरकोळ विक्रेते यांनी खरेदीत हात आखडता घेतल्यामुळे सोमवारी सराफा बाजारात सलग तिसऱ्या सत्रात घसरण पाहायला मिळाली. राजधानी दिल्लीत सोने घसरून २८,६६५ रुपये तोळा झाले, तसेच चांदीही घसरून प्रतिकिलो ३९ हजार रुपयांच्या खाली आली. जागतिक बाजारातील घसरणीचा फटकाही सराफा बाजाराला बसला.