जर आपण सोन्याची ज्‍वेलरी (Gold Jewellery) अथवा एखादी वस्तू खरेदी करण्याचा विचार करत असाल, तर खरेदीसाठी हीच उत्तम वेळ ठरू शकते. कारण, गेल्या काही दिवसांत सातत्याने घसरण होत असल्याने सोन्याचा दर, गेल्या तीन महिन्यातील खालच्या पातळीवर आला आहे.
एमसीएक्‍स आणि सराफा बाजार दोन्ही तही घसरण -मल्‍टी कमोड‍िटी एक्‍सचेंजवर (MCX Gold Price) बुधवारी सोन्याचा दर घसरून 50,105 रुपयांवर आला आहे. तर चांदीच्या दरातही घसरण होऊन ती 60,885 रुपये (MCX Silver Price) प्रति क‍िलोग्रॅमवर आली आहे. तर दुसऱ्या बाजुला बुधवारी सकाली सराफा बाजारातही सोन्याच्या दरात घसरण दिसू आली आहे.
तीन महिन्यातील सर्वात खालची पातळी - इंड‍िया बुल‍ियन अँड ज्‍वैलर्स असोस‍िएशनच्या (IBJA) वेबसाइटवर बुधवारी सकाळी सोन्याचा दर घसरून 50297 रुपये प्रति 10 ग्रॅमवर होता. एमसीएक्‍स आणि सराफा बाजारात सोन्याचादर गेल्या तीन महिन्यातील सर्वात खालच्या पातळीवर पोहोचला आहे. यामुळे तज्ज्ञ मंडळीदेखील, ही सोने खरेदीसाठी सर्वोत्तम वेळ असल्याचे म्हणत आहे. तर दुसरीकडे, 999 शुद्ध चांदी 60961 रुपये प्रति क‍िलोग्रॅम वर आहे.
ज्‍वेलरी स्‍टॉक करू शकतात ज्वैलर -तज्ज्ञांच्या मते, गेल्या काही दिवसांपूर्वी शुद्ध सोन्याचा दर 52 हजार रुपये प्रति 10 ग्रॅम होता. मात्र, आता तो 50 हजार रुपयांच्या पातळीवर येणे, ही आश्चर्याची गोष्ट आहे. यामुळे, सोन्याचा दर 50 ते 52 हजार रुपयां दरम्यान असल्यास सोने खरेदी करणे, हा योग्य निर्णय ठरू शकतो. याशिवाय, येणाऱ्या काळात काही ज्वेलर्स चांगला भाव मिळविण्यासाठी ज्‍वेलरी स्‍टॉकही करू शकतात. यामुळे ही योग्य वेळ ठरू शकते. खरे तर व्याज दर वाढल्याने सोन्याचे दर घसरले आहेत.