केंद्र सरकारकडून आणखी एका कंपनीचं खासगीकरण करण्याची प्रक्रिया सुरू झाली आहे. सरकारला सार्वजनिक युनिट एचएलएल लाईफकेअर (HLL Lifecare) च्या खासगीकरणासाठी सुरूवातीच्या टप्प्यात अनेक बिड्स मिळाल्या आहेत. गुंतवणूक आणि सार्वजनिक मालमत्ता व्यवस्थापन (DIPAM) विभागाचे सचिव तुहीन कांत पांडे यांनी सोमवारी ट्वीट करून यासंदर्भातील माहिती दिली.
“एचएलएल लाइफकेअरच्या खाजगीकरणासाठी अनेक स्वारस्य पत्र (EoIs) प्राप्त झाले आहेत. हा व्यवहार आता पुढील टप्प्याकडे वाटचाल करत आहे,” असं पांडे म्हणाले. आता या प्रकरणी पडताळणीची प्रक्रिया सुरू होईल. त्यानंतर इच्छुक बोलीदारांकडून आर्थिक निविदा मागवल्या जातील. प्रारंभिक निविदा सादर करण्याची अंतिम तारीख १४ मार्च होती, असंही त्यांनी स्पष्ट केलं.