गेल्या आठवड्यात शनिवारी हमासने केलेल्या हल्ल्यानंतर पश्चिम आशियामध्ये युद्ध सुरू झाले आहे. जवळपास ५ दशकातील सर्वात भीषण हल्ल्यानंतर इस्रायलने हमासविरोधात युद्धाची घोषणा केली आहे. हे युद्ध आज सहाव्या दिवशीही सुरू असून आता त्याचा प्रभाव हळूहळू पसरू लागला आहे. युद्ध वाढू शकते आणि यामुळे अनेक कंपन्या त्यांचे ऑपरेशन हलवण्याचा पर्याय शोधू शकतात, अशी भिती व्यक्त केली जात आहे.
पहिले चार्टर विमान आज रात्री इस्त्रायलहून रवाना होणार; २३० भारतीय मायदेशी परतणार
एका अहवालानुसार, अनेक जागतिक तंत्रज्ञान कंपन्यांची इस्रायलमध्ये कार्यालये आहेत आणि तणावामुळे त्यांच्या कामकाजावर परिणाम होत आहे. इस्रायल आणि हमास यांच्यात सुरू असलेले युद्ध पुढे वाढले तर त्या कंपन्या त्यांचे कामकाज इस्रायलमधून भारतात किंवा इतर देशांमध्ये हलवू शकतात. टीसीएस आणि विप्रो सारख्या भारतीय आयटी कंपन्या आता त्यांचे काम भारतात हलवू शकतात.
इस्त्राइलमध्ये ५००हून अधिक कंपन्यांचे ऑफिस आहेत. इंटेल, मायक्रोसॉफ्ट आणि गुगलसारख्या कंपन्यांचा यात समावेश आहे. कंपन्यांची ही कार्यालये ग्लोबल कॅपेबिलिटी सेंटर आणि रिसर्च अँड डेव्हलपमेंट सेंटरच्या रूपात आहेत, यामध्ये १ लाखांहून अधिक लोक काम करतात.
इस्रायलमध्ये कार्यालये चालवणाऱ्या कंपन्या, आवश्यक असल्यास, त्यांचे कामकाज अशा ठिकाणी हलवू शकतात ज्याचा टाइम झोन इस्रायलच्या बरोबरीचा आहे. ते म्हणतात की भारताव्यतिरिक्त कंपन्या इतर पश्चिम आशियाई देश किंवा पूर्व युरोपीय देशांचाही विचार करू शकतात. तज्ञांच्या मते, जर हे प्रकरण पुढे ढकलले तर, कंपन्या त्यांच्या कामकाजावरील परिणाम मर्यादित करण्यासाठी पर्यायी ठिकाणे पाहतील, ज्याचा विशेषतः भारत आणि पूर्व युरोपला फायदा होऊ शकतो.
हमासने शनिवारी सकाळी इस्रायलवर हल्ला केला. या हल्ल्यात १००० हून अधिक इस्रायली लोक मारले गेले असून अनेक बेपत्ता आहेत. हमासच्या हल्ल्यावर इस्रायलने कठोर भूमिका घेत संपूर्ण युद्धाची घोषणा केली आहे. त्यानंतर इस्रायलकडून सातत्याने प्रत्युत्तर सुरू असून, त्यातही हजारो लोक मारले गेले आहेत.