नवी दिल्ली : इंडिगोने (IndiGo) आपली 16 वर्षे पूर्ण झाल्यामुळे सर्व देशांतर्गत मार्गांवर "स्वीट 16" वर्धापनदिन ऑफर सादर केली आहे. यादरम्यान विमान तिकिटाची किंमत 1616 रुपये निश्चित करण्यात आली आहे. ही ऑफर आज 3 ऑगस्टपासून सुरू झाली असून 5 ऑगस्टला संपणार आहे. तसेच, ही ऑफर फक्त 18 ऑगस्ट 2022 ते 16 जुलै 2023 दरम्यानच्या प्रवासासाठी वैध असणार आहे.
इंडिगोने ट्विट केले आहे. यामध्ये "आमची स्वीट16 ऑफर आली आहे आणि आम्ही काही गोड आणले आहे. तुमची फ्लाइट्स 1,616* रुपयांपासून सुरू होणाऱ्या भाड्याने बुक करा. प्रतीक्षा करू नका, कारण ही ऑफर फक्त 5 ऑगस्टपर्यंत आहे. 18 ऑगस्ट 2022 ते 16 जुलै 2023 पर्यंत तुम्ही प्रवासासाठी कोणताही दिवस निवडू शकता.
इंटरग्लोब एव्हिएशन लिमिटेडने (इंडिया) आपल्या वेबसाइटवर म्हटले आहे की, 3 ऑगस्ट 2022 रोजी 23:59 वाजल्यापासून 5 ऑगस्ट 2022 पर्यंत सुरू होईल. यादरम्यान लोक फक्त 1616 रुपयांपासून प्रवासी भाड्याने बुकिंग करू शकतात. ही ऑफर फक्त देशांतर्गत उड्डाणांवर लागू असेल.
इंडिगोची स्वीट 16 सेल, ऑफर कालावधी दरम्यान उड्डाणांसाठी डिपार्चरच्या तारखेच्या किमान 15 दिवस आधी केलेल्या बुकिंगसाठी वैध आहे, जर प्रवासाची तारीख 18 ऑगस्ट 2022 पूर्वीची नसेल आणि 16 जुलै 2023 नंतरची नसेल.
या ऑफर अंतर्गत सीट्सची संख्येचा खुलासा न करता एअरलाइनने सांगितले की, "ऑफर अंतर्गत सीमित इन्वेंट्री उपलब्ध आहे आणि त्यामुळे ग्राहकांना सीट्सची उपलब्धता आणि इंडिगोच्या विवेकाधिकारवर सवलत प्रदान केली जाईल."