ऑनलाइन लोकमत
नवी दिल्ली, दि. 29- बहुप्रतीक्षित iPhone 7 आणि iPhone 7 plus चं ऑनलाइन प्री-बुकिंग आज मध्यरात्रीपासून सुरू होणार आहे. इ-कॉमर्स वेबसाइट फ्लिपकार्ट आज मध्यरात्रीपासून या फोनची प्री-बुकिंग सुरू करत आहे.
iPhone 7 आणि iPhone 7 plus भारतात 7 ऑक्टोबरपासून उपलब्ध होणार आहे. फ्लिपकार्टवर प्री-बुकींग करण्यासाठी ग्राहकांना फोनची संपूर्ण किंमत द्यावी लागणार आहे. 32 जीबीच्या आयफोन 7 ची किंमत जवळपास 60 हजार रुपये आहे. तर 128 जीबीच्या आयफोन 7 ची किंमत जवळपास 70 हजार रुपये आणि 256 जीबीच्या आयफोनची किंमत 80 हजार रुपयांच्या जवळपास आहे. त्याचसोबत 32 जीबीच्या आयफोन 7 प्लसची किंमत 72 हजार रुपये, 128 जीबीच्या आयफोन 7 प्लसची 82 हजार आणि 256 जीबीच्या आयफोन 7 प्लसची किंमत 92 हजार रुपयांच्या जवळपास आहे.