Right time to switch health insurance policy: ज्यांच्या नावे आधीपासून आरोग्य विमा पॉलिसी आहे त्यांनी विद्यमान पॉलिसी बदलून दुसऱ्या कंपनीत पोर्ट करावं का असा प्रश्न अनेकदा मनात येतो. वास्तविक अटी व शर्ती वेळेनुसार बदलतात. उपचाराचा खर्चही हळूहळू वाढू शकतो. काळाची गरज समजून, आपण नियमितपणे पॉलिसी अपडेट करून गंभीर काळात त्याचा लाभ घेऊ शकता. तुम्हीही आरोग्य विमा पॉलिसी बदलण्याचा विचार करत असाल तर, पोर्ट आणि मायग्रेशनकडे दुर्लक्ष करू नका. पोर्ट आणि मायग्रेशन दोन्हीचे फायदे आणि तोटे आपण जाणून घेऊ.
मायग्रेशन म्हणजे काय?जुन्या आरोग्य विम्यामध्ये सब-लिमिट सुमारे १ किंवा २ टक्के इतकी असल्यानं, उपचाराच्या वेळी तुम्हाला लाखो रुपयांचं नुकसान होऊ शकतं. आरोग्य विमा पॉलिसी बदलताना तुम्ही ते अपडेट करू शकता. वास्तविक, तुम्ही तीच कंपनी किंवा कोणतीही जुनी पॉलिसी बदलून नवीन पॉलिसी घेण्यासाठी केलेल्या बदलाला मायग्रेशन म्हणतात. ओपीडी खर्च आणि रुग्णालयातील बेडचं भाडं याशिवाय सब-लिमिटही तपासणं आवश्यक आहे. विमा कंपनी बदलण्याव्यतिरिक्त, तुम्ही विमा प्लॅन देखील अपडेट करू शकता.
पोर्ट म्हणजे काय?आरोग्य विमा पॉलिसी बदलताना, विमा कंपनी बदलण्याच्या प्रक्रियेला पोर्ट म्हणतात. लोक ज्या प्रकारे एका मोबाईल नेटवर्क प्रोव्हायडरकडून दुसऱ्या कंपनीत सिम बदलतात, त्याचप्रमाणे आरोग्य विम्याची कंपनी बदलणं खूप सोपं आहे. यासाठी एकच अट अशी आहे की जी व्यक्ती ४ वर्षांपासून सातत्यानं इन्शूरन्स रिन्यू करत असेल त्यांना मायग्रेशनची परवानगी मिळते. जर तुम्ही जुन्या पॉलिसीचा लाभ घेऊ शकत नसाल तर ते हाय व्हॅल्यूवर पोर्ट केली जाऊ शकते.
स्विच करण्याचे फायदे नुकसान काय?आरोग्य विमा पॉलिसी स्विच करत असताना, तुम्ही कमी किमतीत अधिक चांगल्या प्रीमियमसारखी पॉलिसी खरेदी करू शकता. यामध्ये तुम्हाला अनेक नवीन योजना आणि गंभीर आजारांवर उपचाराशिवाय ओपीडी सुविधा मिळू शकतात. कमी प्रीमियम, सर्वसमावेशक कव्हरेज, चांगली सेवा, को-पेमेंट, कमी डिडक्टेबल्स आणि नो टाईम बाऊंड एक्सक्युशनसाठी आरोग्य विमा पॉलिसी स्विच करा. त्याचे तोटेही कमी नाहीत. त्यावर स्विच केल्यानं तुम्हाला नवीन सुविधेच्या नावावर अधिक पैसे द्यावे लागतील आणि लॉयल्टी सवलत न मिळण्याचीही शक्यता आहे.