How to check if your ₹500 is fake or real? - गेल्या अनेक वर्षांपासून देशात बनावट नोटा सर्रास मिळण्याच्या घटना समोर येत आहेत. आपल्यापैकी अनेकांकडे कधी ना कधी बनावट नोट आली असेलच. आपल्या खिशातील ५०० रुपयांची नोट खरी की खोटी हेही माहित नसते. बनावट नोटा या अगदी खऱ्या नोटांसारख्या दिसतात, त्यामुळे आपण खऱ्या-खोट्याचा फरक सहज ओळखू शकत नाही.
जर तुम्हालाही खोट्या आणि खऱ्या नोटांमध्ये फरक करण्यात अडचण येत असेल, तर तुम्हाला आता काळजी करण्याची गरज नाही. रिझर्व्ह बँकेने स्वतः एक चेकलिस्ट जारी केली आहे, ज्याचे पालन करून तुम्ही ५०० रुपयांची बनावट नोट ओळखू शकता.
५०० रुपयांची खरी- खोटी नोट या पद्धतींनी ओळखा -१. जर तुम्ही ५०० रुपयांची नोट दिव्यासमोर ठेवली तर तुम्हाला ठराविक ठिकाणी ५०० असे लिहिलेले दिसेल.२. तुम्ही नोट डोळ्यासमोर ४५ डिग्रीच्या कोनात ठेवली तरी तुम्हाला या विशिष्ट ठिकाणी ५०० असे लिहिलेले दिसेल. तसेच या ठिकाणी देवनागरीत ५०० लिहिलेले दिसेल.३. नोटेच्या उजव्या बाजूला मध्यभागी महात्मा गांधींचे चित्र आहे आणि नोटमध्ये भारत लिहिलेले दिसेल.४. जर तुम्ही नोट थोडीशी फिरवली, तर तुम्हाला सुरक्षा धाग्याचा रंग हिरव्या ते इंडिगोमध्ये बदलताना दिसेल. ५. गव्हर्नरची स्वाक्षरी, गॅरंटी क्लॉज, प्रॉमिस क्लॉज आणि आरबीआयचा लोगो उजव्या बाजूला हलवण्यात आले आहेत
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"