टाटा मोटर्स कंपनीने 55 वर्षांच्या अधिक वयाच्या कर्मचा-यांना कार्यालयात येण्यास बंदी घातली आहे. अशा अधिका-यांना घरून काम करण्यास सांगितले आहे. कॉर्पोरेट मानव संसाधन अधिकारी (सीएचआरओ) यांनीही याबाबत एक परिपत्रक जारी केले आहे. त्यात म्हटले आहे की, 55 वर्षांपेक्षा जास्त वयाच्या कर्मचा-यांना व अधिका-यांना आता कंपनीत कर्तव्य बजावता येणार नाही. ई श्रेणीतील कर्मचार्‍यांना आधीच कामावर बोलावले जात नाही. टाटा मोटर्स जमशेदपूर प्लांट, लखनऊ, पुणे, पंतनगर या सर्व कंपन्यांमध्ये हा आदेश प्रभावी होईल.रविवारी परिपत्रकानंतर सोमवारी जमशेदपूर प्लांटमध्ये येणा-या कर्मचा-यांना नकार देण्यात आला. कामावर आलेल्यांना परत घरी पाठवण्यात आले. असे म्हटले होते की, कर्मचारी घरीच राहून काम करणार आहेत. कोठेही बाहेर जाणार नाहीत. तसेच त्यांना दररोज कंपनीच्या वेबसाइटवर आरोग्याची माहिती द्यावी लागणार आहे. ई श्रेणीतील कर्मचारी त्यांच्या विभाग प्रमुखांशी संपर्क साधतील. त्याच वेळी पर्यवेक्षकावरील अधिकारी त्यांच्या घरातून होणाऱ्या कामावर लक्ष ठेवतील.वाढता कोरोना संसर्ग लक्षात घेता महत्त्वाचा निर्णयकंपनीचे अध्यक्ष आणि सीएचआरओ रवींद्र कुमार यांच्या स्वाक्षरीखाली जारी केलेल्या परिपत्रकात असे म्हटले आहे की, जमशेदपूरमध्ये वेगाने वाढणार्‍या कोरोना संसर्गाच्या पार्श्वभूमीवर व्यवस्थापनाने हे पाऊल उचलले आहे. 55 आणि त्यापेक्षा जास्त वयाच्या कर्मचार्‍यांना घरून काम करावे लागणार आहे.मधुमेह आणि उच्च रक्तदाब असलेले कर्मचारी आपले कार्य घरातून देखील करतील. हे परिपत्रक तातडीने अंमलात आणले गेले आहे. गेल्या 12 महिन्यांत कंपनीने वैद्यकीय नोंदीच्या आधारे हृदयविकाराचा झटका आणि शस्त्रक्रिया इत्यादीसारख्या उच्च जोखमीसाठी ओळखल्या गेलेल्या कर्मचार्‍यांना कामाच्या फॉर्मचे निर्देश आधीच दिले आहेत.
...म्हणून टाटा मोटर्सनं 'त्या' कर्मचाऱ्यांना कंपनीत येण्यापासून रोखलं; वाचून तुम्हीही कराल कौतुक
By ऑनलाइन लोकमत | Published: July 28, 2020 8:41 PM