बस फेरी बंद; प्रवाशांचे हाल

राहित: अकोला येथील आगार क्र. १ वरून राहितसाठी असलेली बस फेरी बंद झाल्यामुळे राहित, साहित, एरंडा, परंडा, गोरव्हा येथील प्रवाशांचे हाल होत आहेत. अकोला येथील जुन्या बसस्थानकावरून सकाळी साडेसहा वाजता निघणारी बस येथे येऊन परत अकोल्याकडे जात असे. या बसद्वारे परिसरातील विद्यार्थी शिक्षणासाठी अकोला येथे जातात; परंतु गत ३ ते ४ महिन्यांपासून ही बस फेरी बंद करण्यात आल्यामुळे विद्यार्थ्यांचे शैक्षणिक नुकसान होत आहे. संबंधित विभागाच्या वरिष्ठ अधिकार्‍यांनी याची दखल घेऊन बस फेरी पुन्हा सुरू करावी, अशी मागणी ग्रामस्थांकडून होत आहे. (वार्ताहर)