जगातला पहिला 5G स्मार्टफोन लॉन्च, 1 सेकंदात 1 जीबी डाऊनलोड
चीनची दिग्गज स्मार्टफोन निर्माती कंपनी ZTE ने जगातील पहिला 5जी स्मार्टफोन लॉन्च
By लोकमत न्यूज नेटवर्क | Published: February 27, 2017 02:47 PM2017-02-27T14:47:06+5:302017-02-27T14:47:06+5:30
चीनची दिग्गज स्मार्टफोन निर्माती कंपनी ZTE ने जगातील पहिला 5जी स्मार्टफोन लॉन्च
जगातला पहिला 5G स्मार्टफोन लॉन्च, 1 सेकंदात 1 जीबी डाऊनलोड
बार्सिलोना, दि. 27 - चीनची दिग्गज स्मार्टफोन निर्माती कंपनी ZTE ने जगातील पहिला 5जी स्मार्टफोन लॉन्च केला आहे. ZTE गिगाबाईट असं या फोनचं नाव आहे. बार्सिलोनामध्ये सुरू असलेल्या मोबाईल वर्ल्ड कॉंग्रेसमध्ये रविवारी कंपनीने हा फोन लॉन्च केला.
1 जीबी प्रतिसेकंद डाऊनलोड करता येण्याजोगा हा जगातला पहिला गिगाबाईट फोन असेल असा दावा कंपनीने केला आहे. हा फोन 5 जी नेटवर्कला सपोर्ट करतो आणि 2020 पर्यंत हे नेटवर्क उपलब्ध होऊ शकतं. 1 जीबी प्रतिसेकंद डाऊनलोड म्हणजे सध्या वापरात असलेल्या 4जी पेक्षा 10 पटीने जास्त स्पीड त्याचा असणार आहे. म्हणजे एखादा सिनेमा डाऊनलोड करण्यासाठी एका सेकंदापेक्षाही कमी वेळ लागेल.
या फोनमध्ये क्वॉलकॉम स्नॅपड्रॅगन 835 प्रोसेसर आहे. मोबाईलवर टीव्ही आणि सिनेमे बघण्याची आवड असणा-यांसाठी हा फोन पर्वणी ठरणार आहे.