गुजरातचे प्रसिद्ध हिरे व्यापारी सावजी ढोलकिया (Savji Dholakia) यांनी कर्मचाऱ्यांना कोणते दिवाळी गिफ्ट दिले? दर दिवाळीला चर्चेत असलेल्या सावजींनी अद्याप काही दिल्याचे ऐकिवात नाही. ना कुठे फोटो, ना कुठे बातमी. कर्मचाऱ्यांना शेकड्यामध्ये मर्सिडीज, फ्लॅट देणारे सावजी यंदा नरमल्याचे दिसत आहेत.
महागडी गिफ्ट कर्मचाऱ्यांना देत असल्याने सावजी खूप प्रसिद्ध आहेत. ते सोशल मीडियावरदेखील कमालीचे अॅक्टिव्ह असतात. 3 नोव्हेंबरला त्यांचे शेवटचे ट्विट आहे. ते नेहमी दिवाळीच्या आदल्या दिवशी किंवा दिवाळी दिवशी ही महागडी गिफ्ट देतात. पण या दिवाळीला त्यांनी कर्मचाऱ्यांना महागडी गिफ्ट देण्याचे टाळल्याचे दिसत आहे. (Savji Dholakia Diwali Gift To Employees)
सावजी ढोलकियांनी यंदा कर्मचाऱ्यांना दिवाळी गिफ्ट दिले असेल पण ते तेवढे महागडे नसेल असे बोलले जात आहे. जरी दिले असेल तरी त्याची माहिती सार्वजनिक केलेली नाही. जर त्यांनी तसे गिफ्ट दिले असते तर त्यांनी ते जरूर ट्विटरवर पोस्ट केले असते.
सावजी हे दर दिवाळीला आपला खजिना कर्मचाऱ्यांवर रिता करतात. 2014 मध्ये त्यांनी आपल्या कर्मचाऱ्यांना 491 कार आणि 207 फ्लॅट दिले होते. 2018 मध्ये त्यांनी आपल्या तीन कर्मचाऱ्यांना मर्सिडिज बेंझची एसयुव्ही दिली होती. या कर्मचाऱ्यांनी कंपनीमध्ये 25 वर्षे पूर्ण केली होती. 2016 मध्ये सावजींनी कर्मचाऱ्यांना 400 फ्लॅट आणि 1260 कार गिफ्ट केली होती. त्यांच्या हरि कृष्णा एक्सपोर्ट्स या हिऱ्यांचा व्यापार करणाऱ्या कंपनीत 5000 हून अधिक लोक काम करतात.