रिझर्व्ह बँक इंडियाने काही दिवसापूर्वी पेटीएमवर कारवाई केली होती, यानंतर आता ईपीएफओनेही पेटीएमला झटका दिला आहे. ईपीएफओने पेटीएम पेमेंट्स सोबत जोडलेल्या खात्यांना अपडेट करण्याच्या सूचना दिल्या आहेत. जर कोणत्या खाते धारकाने निर्धारित मुदतीपूर्वी त्यांचे खाते अपडेट केले नाही तर, त्यांच्या खात्यातून दरमहा कापलेली रक्कम फेब्रुवारीनंतर थांबेल. आरबीआयने पेटीएम पेमेंट्स बँकेच्या सेवेवर बंदी घातल्यानंतर हा आदेश आला आहे.
RBI नंतर आता कर्मचारी भविष्य निर्वाह निधी संघटना म्हणजेच EPFO ने देखील पेटीएम पेमेंट्स बँकेशी जोडलेल्या ईपीएफ खात्यांमध्ये व्यवहार करण्यास बंदी घातली आहे. कर्मचारी भविष्य निर्वाह निधी संघटनेने पेटीएम पेमेंट बँक खात्यांशी जोडलेल्या सर्व EPF खात्यांमध्ये ठेव किंवा क्रेडिट व्यवहार थांबवण्याचा निर्णय घेतला आहे. EPFO ने २३ फेब्रुवारी २०२४ पासून आपल्या सर्व क्षेत्रीय कार्यालयांना पेटीएम पेमेंट बँक लिमिटेड खात्यांशी जोडलेल्या EPF खात्यांमधील दावे निकाली काढण्यापासून रोखले आहे. तुमचे EPF खाते पेटीएम पेमेंट्स बँकेशी जोडलेले असल्यास. त्यामुळे लवकरात लवकर अपडेट करा.
८ फेब्रुवारी २०२४ पासून, कर्मचारी भविष्य निर्वाह निधी (EPFO) ने आपल्या क्षेत्रीय कार्यालयांना २३ फेब्रुवारी २०२४ पासून पेटीएम पेमेंट बँक लिमिटेडशी जोडलेल्या बँक खात्यांवर दावे स्वीकारणे थांबवण्याचा सल्ला दिला आहे. जर तुम्ही पीएफमधून पैसे काढण्याचा दावा करण्याचा विचार करत असाल आणि तुमचे खाते पेटीएम पेमेंट्स बँकेशी लिंक असेल, तर तुम्ही तसे करू शकणार नाही. त्यामुळे तुमचे नवीन बँक खाते लवकरात लवकर अपडेट करा.
आरबीआयने पेटीएम पेमेंट्स बँकेला २९ फेब्रुवारी २०२४ नंतर ठेवी आणि क्रेडिट व्यवहार थांबवण्याचे निर्देश दिले आहेत. ग्राहक २९ फेब्रुवारी २०२४ पर्यंत पैसे काढण्यासाठी आणि क्रेडिट मिळवण्यासाठी पेटीएम ॲप वापरणे सुरू ठेवू शकतात. त्या तारखेनंतर, ग्राहक त्यांच्या पेटीएम पेमेंट बँक खात्यात किंवा वॉलेटमध्ये पैसे जमा करू शकणार नाहीत.