पुणे :पेट्रोल आणि डिझेलच्या दरात (petrol diesel prices increases) बुधवारी 80 पैशांनी वाढ करण्यात आली. सलग नवव्या दिवशी इंधनाच्या दरात वाढ झाली आहे. बुधवारच्या वाढीबरोबरच डिझेलने देशात अनेक ठिकाणी शंभरी पार केली.
आता नव्या दरानुसार मुंबईत (petrol diesel prices in mumbai) एक लिटर पेट्रोलची किंमत 116.72 रुपये झाली, तर डिझेल 100.94 रुपये प्रतिलिटर झाले. गेल्या नऊ दिवसांत पेट्रोल आणि डिझेलच्या दरांत एकूण पाच रुपये ६0 पैशांची वाढ झाली आहे.
पुणे शहरातील दर-
पुणे शहरात पेट्रोलचे दर 120 रुपयांच्या घरात गेले आहेत (petrol diesel prices in pune). शहरात साधे पेट्रोल 116.20 रुपये तर पावर पेट्रोल 120.70 रुपये प्रति लिटर दराने विकले जात आहे. तर दुसऱ्या बाजूला डिझेलचे दरही शंभरीच्या घरात गेले आहेत. शहरात डिझेलचे प्रतिलिटर दर 98.94 रुपये झाले आहेत.