पोस्ट ऑफिस मंथली इन्कम स्कीमबद्दल (Post office MIS) तुम्ही ऐकलं असेलच. नावाप्रमाणंच ही योजना मासिक उत्पन्नासाठी आहे. म्हणजेच या योजनेत पैसे गुंतवले तर दर महिन्याला काही ना काही कमाई होते. त्याला मासिक उत्पन्न किंवा मासिक परतावा म्हणता येईल. तुम्ही दरमहा किती पैसे कमवाल हे तुम्ही या योजनेत किती पैसे गुंतवत आहात यावर अवलंबून असेल. पेन्शन योजनेच्या गरजा पूर्ण करण्यासाठी ही योजना करण्यात आली आहे. जर तुम्ही सरकारी किंवा मोठ्या खाजगी कंपनीत काम करत नसाल आणि पेन्शनची व्यवस्था करायची असेल तर ही योजना एक चांगला पर्याय देते. ही योजना पोस्ट ऑफिसद्वारे चालवली जाते त्यामुळे ती लोकप्रिय देखील आहे. पोस्ट ऑफिसची योजना जोखीममुक्त गुंतवणूक मानली जाते. यामुळेच एमआयएससारख्या योजनांमध्ये लोकांना खूप रस आहे.
पोस्ट ऑफिस एमआयएसमध्ये पैसे गुंतवतानाच तुम्हाला भविष्यात किती टक्के परतावा मिळणार आहे हे कळतं. याचा अर्थ खात्रीशीर परतावा मिळविण्यासाठी तुम्ही MIS मध्ये गुंतवणूक करू शकता. योजना घेताना जो दर निश्चित केला जाईल, त्याच दरानं तुम्हाला आर्थिक वर्षाच्या एक चतुर्थांश पर्यंत व्याज जोडून परतावा मिळेल. एवढंच नाही तर या योजनेत गुंतवणुकीवर करात सूट देण्याचीही सुविधा आहे. खातं उघडण्यात कोणतीही अडचण नाही आणि तुम्ही ते तुमच्या पोस्ट ऑफिसच्या जवळच्या शाखेत सुरू करू शकता. खाते उघडताना तुम्हाला १ हजार रुपये जमा करावे लागतील आणि ही किमान ठेव रक्कम आहे. तुम्हाला अधिक रक्कम जमा करायची असल्यास, तुम्ही १ हजारच्या पटीत जमा करू शकता.
किती व्याज मिळेल?जर तुमचे एक खाते असेल तर जास्तीत जास्त ४.५ लाख आणि जर तुमचं संयुक्त खातं असेल तर एका वर्षात जास्तीत जास्त ९ लाख जमा केले जाऊ शकतात. सध्या MIS वर ६% व्याज मिळत आहे. या व्याजदरामुळे तुम्ही तुमच्या गुंतवणुकीचा परतावा सहज समजू शकता. दर महिन्याला खात्यात किमान १ हजार रुपये जमा करावे लागतील, तरच तुम्हाला मासिक उत्पन्नाचा लाभ मिळेल.
तुमच्या गुंतवणुकीवर तुम्हाला किती परतावा मिळेल याचे उदाहरण समजून घेऊ. रमेश नावाच्या व्यक्तीनं समजा पोस्ट ऑफिस मासिक उत्पन्न योजनेत ४ लाख रुपये एकरकमी जमा केले. सध्या ६.६% व्याजदर चालू आहे. त्यानुसार रमेशला महिन्याला २२०० रुपये मिळतील. जर कुमारने हा MIS ५ वर्षे म्हणजेच ६० महिन्यांसाठी गुंतवणूक केली तर त्याला व्याज म्हणून १,३२,००० रुपये मिळतील. हे त्यांचं निव्वळ उत्पन्न असेल. येथे ५ वर्षे म्हणजे लॉक इन कालावधी ज्या दरम्यान तुम्ही खातं बंद करू शकत नाही किंवा पैसे काढू शकत नाही.
MIS खाते कसे उघडायचे?१. तुमच्या जवळच्या पोस्ट ऑफिसला भेट द्या२. अर्ज घ्या आणि सर्व तपशील भरा३. आवश्यक कागदपत्रं सबमिट करा, ओळखीचा पुरावा आणि पत्ता पडताळणी पूर्ण करा. गुंतवणूकदाराने स्वतः कागदपत्रांची पडताळणी करावी४. नामनिर्देशित व्यक्तीचे तपशील (जर असल्यास) प्रविष्ट करा. तथापि, नामनिर्देशित तपशील देखील नंतर जोडले जाऊ शकतात५. रोख किंवा धनादेश जमा करा (किमान INR 1,000) आणि खाते उघडा. चेक पोस्ट-डेटेड चेक असल्यास, खाते उघडण्याची तारीख चेकवर लिहिलेली तारीख असेल