घरबसल्या Postal Life Insurance bond साठी करा अर्ज; जाणून घ्या स्टेप्स..

Postal Life Insurance bond from digilocker : पोस्ट विभागाने अलीकडेच त्याच्या ईपीएलआय बाँडची डिजिटल आवृत्ती जारी केली आहे. याद्वारे, ग्राहकांना या पॉलिसीमध्ये DigiLocker द्वारे प्रवेश मिळेल.

Postal Life Insurance bond from digilocker : जर तुम्हाला पोस्ट लाइफ इन्शुरन्स पॉलिसीच्या डिजिटल आवृत्तीसाठी अर्ज करायचा असेल- ईपीएलआय बाँड (ePLI bond)पोस्ट विभागाने त्यासाठी विशेष सुविधा उपलब्ध करुन दिली आहे. पोस्ट विभागाने अलीकडेच त्याच्या ईपीएलआय बाँडची डिजिटल आवृत्ती जारी केली आहे. याद्वारे, ग्राहकांना या पॉलिसीमध्ये DigiLocker द्वारे प्रवेश मिळेल. पोस्टल लाइफ इन्शुरन्सने ट्विट करून तीन सोप्या स्टेप्स शेअर केल्या आहेत, जेणेकरून लोक या प्रक्रियेचे पालन करुन नोंदणीसह ईपीएलआय बाँड सहज उपलब्ध होतील. (How to get Postal Life Insurance bond steps)

डिजिटल लॉकरद्वारे पोस्टल लाइफ इन्शुरन्स बाँड मिळवण्यासाठी 3 सोप्या स्टेप्स....
1) सर्वात आधी  App Store वरून डिजिटल लॉकर अॅप डाउनलोड करून नोंदणी करा.
2) आधार कार्ड वापरुन लॉग इन करा.
3) पॉलिसी क्रमांक, नाव आणि जन्मतिथीचा तपशील भरा. त्यानंतर ePLI बाँड डाऊनलोड करा.

Three simple steps to get Postal Life Insurance bond from digilocker.
1. Register by downloading digilocker app from App Store
2. Log in using Aadhaar
3. Enter policy number, name and Date of birth and download the ePLI Bond. @IndiaPostOffice#ePLIBondpic.twitter.com/9kEiXwgieL

— Postal Life Insurance (@postalinsurance) October 15, 2021

तुम्ही वरील तीन सोप्या स्टेप्स वापरून पोस्टल लाइफ इन्शुरन्स पॉलिसी -ईपीआय बाँडची डिजिटल आवृत्ती देखील मिळवू शकता. तसेच, त्याची डिजिटल प्रत आपल्या सर्व व्यवहारांसाठी एक वैध मानली जाईल. ईपीएलआय बाँड डिजीलॉकरच्या सहकार्याने उपलब्ध होईल. इलेक्ट्रॉनिक्स आणि आयटी मंत्रालयाच्या अंतर्गत राष्ट्रीय ई-ऑपरेशन विभागाने हे विकसित केले आहे.

काय आहे पॉलिसी?
देशभरातील पोस्ट ऑफिस त्यांच्या ग्राहकांना अनेक पॉलिसी देतात. त्यापैकी एक पॉलिसी ePLI लाइफ इन्शुरन्स पॉलिसी आहे. ही पॉलिसी देशातील सर्वात जुन्या पॉलिसींपैकी एक आहे. पीएलआय (पोस्टल लाइफ पॉलिसी) 1 फेब्रुवारी 1884 रोजी भारतात ब्रिटिश राजवटी दरम्यान लागू करण्यात आली. देशभरात अनेक विमा योजना सरकारद्वारे चालवल्या जातात, त्यापैकी एक योजना पीएलआय आहे. जीवन विमा योजना विमाधारक आणि विमा कंपनी यांच्यातील करार आहे, ज्यात विमा योजनेच्या मुदतीत विमाधारकाची कोणतीही अप्रिय घटना किंवा मृत्यू झाल्यास विमा कंपनी लाभार्थीला विशिष्ट रक्कम देते. त्या बदल्यात, पॉलिसीधारक एकरकमी किंवा एक एक करून प्रीमियम म्हणून निश्चित रक्कम देण्याचे आश्वासन देतो.