(वाचली) सोमवारी बिंदू चौक ते त्र्यंबोली मंदिर मोफत बससेवा

कोल्हापूर : महालक्ष्मी अन्नछत्र सेवा ट्रस्टतर्फे त्र्यंबोलीदेवी यात्रेनिमित्त सोमवारी (दि. २९) दिवसभर बिंदू चौक ते त्र्यंबोली मंदिर अशी मोफत विशेष बससेवा सुरू क रण्यात येणार आहे. भाविकांनी या विशेष बससेवेचा लाभ घेण्याचे आवाहन केएमटी प्रशासनाने पत्रकाद्वारे केले आहे. यासाठी केएमटीच्या काही बसमार्गांत बदल करण्यात आला आहे.
सोमवारी ललित पंचमी व त्र्यंबोली देवीची यात्रा आहे. या दिवशी सकाळपासून सायंकाळी पाच वाजेपर्यंत बिंदू चौक ते त्र्यंबोली देवी मंदिर अशी येता-जाता ही मोफत बससेवा देण्यात येणार आहे. यात्रेदिवशी कागल व मुडशिंगी बसेसच्या मार्गांत बदल करण्यात आला आहे. बोंद्रेनगर, नाना पाटीलनगर, राजोपाध्येनगर, सरनोबतवाडी, आदी बसेसच्या मार्गांतही बदल करण्यात आला आहे. (प्रतिनिधी)
=======================