Reliance Jio : मुकेश अंबानी यांची रिलायन्स जिओ देशातील पहिल्या क्रमांकाची टेलिकॉम कंपनी आहे. कोट्यवधी युजर्स रिलायन्स जिओशी जोडलेले आहेत. जिओनं आपल्या युजर्ससाठी एकापेक्षा एक रिचार्ज प्लॅन लाँच केले आहेत. जुलैमध्ये रिचार्ज प्लॅनच्या किंमती वाढवल्यानंतर जिओ पुन्हा एकदा आपल्या युजर्सना चांगले आणि स्वस्त रिचार्ज प्लॅन देण्याचा प्रयत्न करत आहे. या पार्श्वभूमीवर जिओनं एक जबरदस्त प्लॅन लाँच केलाय.
आज आम्ही तुम्हाला जिओच्या अशाच एका प्लॅनबद्दल सांगणार आहोत, ज्यात तुम्हाला अनलिमिटेड कॉलिंग, डेटा आणि एसएमएसचा फायदा मिळेल. तसंच तुम्हाला लोकप्रिय ओटीटी प्लॅटफॉर्म नेटफ्लिक्सचं फ्री सब्सक्रिप्शनही मिळेल. आम्ही बोलत आहोत जिओच्या १२९९ रुपयांच्या रिचार्ज प्लॅनबद्दल.
जिओचा १२९९ रुपयांचा प्लॅन
जिओचा १२९९ रुपयांचा प्लॅन ८४ दिवसांच्या वैधतेसह येतो. या प्लानमध्ये तुम्हाला संपूर्ण ८४ दिवसांसाठी कोणत्याही नेटवर्कमध्ये अनलिमिटेड कॉलिंगची सुविधा दिली जाते. या प्लॅनमध्ये युजर्सला दररोज २ जीबी डेटा दिला जातो आणि रोज १०० फ्री एसएमएसही दिले जातात. जर आपल्या भागात ५ जी कनेक्टिव्हिटी असेल आणि आपला फोन ५ जी असेल तर आपण अनलिमिटेड ५ जी डेटाचा देखील लाभ घेऊ शकता.
या प्लॅनमध्ये युजर्सला संपूर्ण ८४ दिवसांसाठी नेटफ्लिक्स अॅपचे फ्री सब्सक्रिप्शन ही दिलं जात आहे. यासोबतच जिओ सिनेमा, जिओ टीव्हीचा फ्री अॅक्सेसही दिला जातो. अशा तऱ्हेनं मनोरंजनप्रेमींना हा प्लॅन आवडता ठरू शकतो.