Fixed Deposit Scheme: अनेक बँका आपल्या ग्राहकांना ३० जून २०२४ पर्यंत खास एफडी ऑफर्स देत आहेत. इंडियन बँक, आयडीबीआय बँक आणि पंजाब अँड सिंध बँक विशेष एफडीवर ८ टक्के व्याज देताहेत. तुम्हालाही कमी वेळात जास्त परतावा मिळवायचा असेल तर या महिन्याच्या अखेरपर्यंत त्यात गुंतवणूक करू शकता.
IDBI Bank स्पेशल एफडी स्कीम
आयडीबीआय बँक आपल्या लाखो ग्राहकांना खास फिक्स्ड डिपॉझिट ऑफर करत आहे. आयडीबीआय बँक ३०० दिवस, ३७५ दिवस आणि ४४४ दिवसांची विशेष एफडी स्कीम देत आहे. त्यावर ७.७५ टक्के व्याज दिलं जातंय. ही विशेष स्कीम ग्राहकांसाठी ३० जून २०२४ पर्यंत उपलब्ध आहे.
IDBI उत्सव ४०० स्कीम (IDBI Utsav Special 400 days FD)
आयडीबीआय बँकेच्या वेबसाइटनुसार, ग्राहक उत्सव एफडी योजनेत ३० जून २०२४ पर्यंत गुंतवणूक करू शकतात. आयडीबीआय बँक नियमित ग्राहक, एनआरआय आणि एनआरओ ग्राहकांना ४४४ दिवसांच्या एफडीवर ७.२५% दराने व्याज देत आहे. बँक गुंतवणूकदारांना एफडीतून मुदतपूर्व रक्कम काढण्याची आणि बंद करण्याची परवानगी देते.
IDBI उत्सव स्कीम ३७५ दिवस
आयडीबीआय बँक ३७५ दिवसांच्या उत्सव एफडीमध्ये गुंतवणूक करणाऱ्या ज्येष्ठ नागरिकांना ७.६० टक्के व्याज देत आहे. तर नियमित ग्राहक, एनआरआय आणि एनआरओ ग्राहक ३७५ दिवसांच्या एफडीवर ७.१०% व्याज देत आहेत. बँक या एफडीमध्ये वेळेपूर्वी पैसे काढण्याचा किंवा बंद करण्याचा पर्यायही देते.
IDBI उत्सव ३०० दिवसांची एफडी
आयडीबीआय बँक ३०० दिवसांच्या उत्सव एफडीमध्ये गुंतवणूक करणाऱ्या ज्येष्ठ नागरिकांना ७.५५ टक्के व्याज देत आहे. तर, नियमित ग्राहक, एनआरआय आणि एनआरओ ग्राहक ३०० दिवसांच्या एफडीवर ७.०५ टक्के व्याज देत आहेत. या एफडीमध्ये मुदतपूर्व पैसे काढता येतात.
इंडियन बँक स्पेशल Fixed Deposit
इंडियन बँक ग्राहकांना खास एफडी स्कीम देत आहे. सार्वजनिक क्षेत्रातील बँक इंडियन बँक आपल्या ग्राहकांना ३०० आणि ४०० दिवसांची एफडी ऑफर करत आहे. इंडियन बँकेच्या वेबसाईटनुसार ३० जून २०२४ पर्यंत इंड सुपर ४०० आणि इंड सुप्रीम ३०० या एफडी स्कीममध्ये गुंतवणूक करता येईल.
इंड सुपर ४०० दिवसांची एफडी स्कीम (Ind Super 400 days)
ही एक खास एफडी कॉलेबल एफडी आहे. कॉलेबल एफडी म्हणजे तुम्हाला वेळेआधी पैसे काढण्याचा पर्याय मिळतो. इंडियन बँकेची इंड सुपर एफडी ४०० दिवसांची आहे. या स्कीममध्ये तुम्ही १०,००० रुपयांपासून २ कोटी रुपयांपर्यंत गुंतवणूक करू शकता. इंडियन बँक आता सर्वसामान्यांना ७.२५ टक्के, ज्येष्ठ नागरिकांना ७.७५ टक्के आणि अतिज्येष्ठ नागरिकांना ८.०० टक्के व्याज देत आहे.
इंड सुपर ३०० दिवस (Ind Super 300 days)
इंडियन बँकेच्या वेबसाइटनुसार, स्पेशल टर्म डिपॉझिट प्रॉडक्ट इंड सुपर ३०० डेज १ जुलै २०२३ रोजी लाँच करण्यात आली होती. या एफडीवर तुम्ही ३०० दिवसांसाठी ५००० ते २ कोटी रुपयांपेक्षा कमी गुंतवणूक करू शकता. बँक ७.०५ ते ७.८० टक्क्यांपर्यंत व्याज देत आहे. इंडियन बँक आता सर्वसामान्यांना ७.०५ टक्के, ज्येष्ठ नागरिकांना ७.५५ टक्के आणि अतिज्येष्ठ नागरिकांना ७.८० टक्के व्याज देत आहे.
पंजाब अँड सिंध बँक स्पेशल एफडी स्कीम
पंजाब अँड सिंध बँक आपल्या ग्राहकांना २२२ दिवस, ३३३ दिवस आणि ४४४ दिवसांची विशेष एफडी देत आहे. या स्पेशल एफडीवर जास्तीत जास्त ८.०५ टक्के व्याज मिळत आहे. बँकेच्या वेबसाईटनुसार, बँक २२२ दिवसांच्या एफडीवर ७.०५ टक्के, ३३३ दिवसांच्या एफडीवर ७.१० टक्के आणि ४४४ दिवसांच्या एफडीवर ७.२५ टक्के व्याज देत आहे. बँक अतिज्येष्ठ नागरिकांना ४४४ दिवसांच्या एफडीवर ८.०५ टक्के व्याज देत आहे.