भारतीय शेअर बाजारात गेल्या शुक्रवारी कमकुवत स्थिती असतानाही टीमो प्रोडक्शन्स एचक्यू लिमिटेडच्या शेअर्समध्ये जबरदस्त खरेदी झाली. बुधवारी 2024 च्या चौथ्या तिमाहीचे निकाल जाहीर झाले. यानंतर, टीमो प्रॉडक्शन एचक्यू लिमिटेडच्या शेअरला 5 टक्क्यांचे अप्पर सर्किट लागले होते. ₹5 च्या खाली असलेला हा पेनी स्टॉक शुक्रवारी NSE वर ₹1.25 वर खुला झाला होता आणि नंतर अप्पर सर्किट लागले होते. शुक्रवारपूर्वी, या स्मॉल-कॅप स्टॉकने 5, 8 आणि 9 एप्रिल रोजीही अप्पर सर्किटला स्पर्श केला होता.
सातत्याने देतोय परतावा -महत्वाचे म्हणजे, हा पेनी स्टॉक NSE आणि BSE दोन्हीवरही ट्रेडिंगसाठी उपलब्ध आहे. याचे मार्केट कॅप ₹107 कोटी आहे. तर NSE वरील याचे सध्याचे ट्रेड व्हॉल्यूम ₹16.88 लाख एवढे आहे. या शेअरचा 52-आठवड्यांचा उच्चांक ₹3.32 तर नीचांक ₹0.74 एवढा आहे. कंपनीच्या शेअरमध्ये ही तेजी तिमाही परिणामांनंतर आली आहे. कंपनीने बुधवारी सायंकाळी मार्च तिमाहीचे निकाल जाहीर केले होते.
Q4FY24 स्मॉल-कॅप कंपनीचा खर्च QoQ आणि YoY दोन्हीमध्येही हमी झाला आहे. कंपनीने जानेवारी ते मार्च 2024 तिमाहीत एकूण ₹111.20 कोटी खर्चाची नोंद केली. जो 2023-24 या आर्थिक वर्षाच्या मागील तिमाहीत ₹129.90 कोटी होता. अर्थात, कंपनीला आपल्या खर्चावर नियंत्रण करण्यास यश मिळाले आहे. या स्मॉल-कॅप कंपनीने दर वर्षी आपल्या खर्चात सुधारणा केली आहे. कारण 4FY23 मध्ये कंपनीचा एकूण खर्च ₹375.62 कोटी एवढा होता.
Q4FY24 मध्ये कंपनीचा एकूण नफा ₹3.47 कोटी एवढा होता. जो गेल्या तिमाहीत ₹1.94 कोटी आणि Q4FY23 मध्ये ₹1.43 कोटी होता. अर्थात कंपनीचा एकूण नफा 80 टक्के वाढला आहे. कंपनीने वार्षिक आधारावर 140 टक्के एवढी वाढ नोंदवली आहे.