Tata Motors news: टाटा मोटर्स फायनान्सचं टाटा कॅपिटलमध्ये विलीनीकरण करण्यास संबंधित संचालक मंडळाची मंजुरी मिळाली आहे. टाटा मोटर्स फायनान्स लिमिटेड ही टाटा मोटर्स लिमिटेडची पूर्ण मालकीची उपकंपनी आहे. टाटा मोटर्स फायनान्स लिमिटेडच्या संचालक मंडळानं टाटा मोटर्स फायनान्स लिमिटेडचं टाटा कॅपिटल लिमिटेडमध्ये विलीनीकरण करण्यास मंजुरी दिली आहे.
काय म्हटलंय कंपनीनं?
टाटा मोटर्स लिमिटेड (टीएमएल), टाटा कॅपिटल लिमिटेड (टीसीएल) आणि टाटा मोटर्स फायनान्स लिमिटेड (टीएमएल) यांच्या संचालक मंडळानं एनसीएलटी रिजीम स्कीमद्वारे टीएमएलचे टीसीएलमध्ये विलीनीकरण करण्यास मान्यता दिली. या विलीनीकरणांतर्गत टीसीएल टीएमएलच्या भागधारकांना आपले इक्विटी शेअर्स जारी करेल, परिणामी टाटा मोटर्सकडे विलीन झालेल्या कंपनीत ४.७ टक्के हिस्सा असेल.
१२ महिन्यांचा कालावधी लागणार
नॉन-कोअर व्यवसायातून बाहेर पडून उदयोन्मुख तंत्रज्ञान आणि उत्पादनांवर आपला भांडवली खर्च केंद्रित करण्याच्या ऑटो कंपनीच्या उद्दिष्टाच्या अनुषंगाने हा व्यवहार करण्यात आला आहे. टाटा मोटर्सनं दिलेल्या माहितीनुसार ही योजना सेबी, आरबीआय, एनसीएलटी आणि टीसीएल आणि टीएमएलचे सर्व भागधारक आणि कर्जदारांच्या मंजुरीच्या अधीन असेल आणि पूर्ण होण्यास ९-१२ महिन्यांचा कालावधी लागेल.
स्टॉक स्टेटस
टाटा मोटर्सच्या शेअर्सबद्दल बोलायचं झालं तर मंगळवारी त्यात मोठी घसरण झाली. आठवड्याच्या दुसऱ्या दिवशी हा शेअर ९०४.१५ रुपयांवर बंद झाला. आदल्या दिवसाच्या तुलनेत हा शेअर ४.८८ टक्क्यांनी घसरला. व्यवहारादरम्यान हा शेअर ८५५.४५ रुपयांच्या नीचांकी पातळीवर घसरला. पण बुधवारी यात थोडी वाढ होऊन तो ९१७ रुपयांवर पोहोचला होता.
(टीप: यामध्ये केवळ शेअरच्या कामगिरीविषयी माहिती देण्यात आली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)