Yash Highvoltage IPO : यश हायव्होल्टेज आयपीओ आज गुंतवणूकीसाठी बंद होत आहे. कंपनीच्या आयपीओची साईज ११०.०१ कोटी रुपये असून आयपीओच्या माध्यमातून कंपनी ६४.०५ लाख शेअर्स जारी करणार आहे. तर ऑफर फॉर सेल अंतर्गत कंपनी ११.३० लाख शेअर्स जारी करेल. यश हायव्होल्टेज आयपीओ १२ डिसेंबर रोजी खुला झाला. आयपीओसाठी प्राइस बँड १३८ ते १४६ रुपये प्रति शेअर निश्चित करण्यात आलाय. कंपनीनं एकूण १००० शेअर्सचा लॉट तयार केलाय. त्यामुळे किरकोळ गुंतवणूकदारांना किमान १ लाख ४६ हजार रुपयांची गुंतवणूक करावी लागेल.
जीएमपी किती?
ग्रे मार्केटमध्ये कंपनीचा आयपीओ आज १०० रुपयांच्या प्रीमियमवर व्यवहार करत आहे. इन्व्हेस्टर्स गेनच्या रिपोर्टनुसार, १४ डिसेंबरपासून कंपनीच्या जीपीएममध्ये कोणताही बदल झालेला नाही. ग्रे मार्केटमध्ये आयपीओचा सर्वाधिक जीएमपी १३० रुपये आहे. ११ डिसेंबर २०२४ रोजी कंपनी जीएमपी या पातळीवर होता.
कंपनीचा आयपीओ ११ डिसेंबर रोजी अँकर गुंतवणूकदारांसाठी खुला झाला. कंपनीनं अँकर गुंतवणूकदारांकडून ३१.३३ कोटी रुपये उभे केले आहेत. अँकर गुंतवणूकदारांना देण्यात येणाऱ्या ५० टक्के शेअर्सचा लॉक-इन कालावधी केवळ ३० दिवसांचा आहे.
२ दिवसांत ११ पटीपेक्षा जास्त सब्सक्रिप्शन
पहिल्या दोन दिवसांत हा आयपीओ ११ पटींपेक्षा अधिक पट सब्सक्राइब झाला आहे. रिटेल कॅटेगरीत आयपीओ १८.१८ पट सब्सक्राइब झाला होता. तर नॉन इन्स्टिट्युशनल इनव्हेस्टर्स श्रेणीत आयपीओ ९ पटीपेक्षा अधिक सब्सक्राइब करण्यात आला होता. कंपनीची लिस्टिंग बीएसई एसएमईवर होणारे. यश हाय व्होल्टेज लिमिटेड ट्रान्सफर बुशिंग करते.
(टीप - यामध्ये आयपीओ विषयी सामान्य माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)