तीन अट्टल चोरटे गजाआड

माजी अर्थमंत्री सुधीर मुनगंटीवार यांच्या घरासमोरील गल्लीत भरदिवसा चेन स्नॅचिंगची घटना घडली होती. याप्रकरणी शहर पोलीस स्टेशनमध्ये गुन्हा नोंद करण्यात आला होता. त्यानंतर डीबी पथकाने चोरट्याचा शोध सुरु केला. यावेळी जितेंद्रकुमार व नीतेश याला ताब्यात घेऊन चौकशी केली. या दोघांनी मल्टी ऑरगॅनिट कंपनी, एमआयडीसी परिसरातील चिंचाळा ते बायलर गेटवर मोबाईल चोरल्याची कबुली दिली. याप्रकरणी पडोली पोलीस ठाण्यात गुन्ह्याची नोंद आहे. तसेच श्यामनगरातील सचिन श्रीकोंडावार यांच्या घरातून ४० हजार रुपये चोरी केल्याप्रकरणी इंदिरानगर येथील तेजस मेश्राम याला अटक केली. त्याने चोरीची कबूली दिली असून त्या रक्कमेतून दुचाकी खरेदी केल्याची माहिती दिली. ही कारवाई शहर पोलीस स्टेशनचे पोलीस निरीक्षक सुधाकर अंभोरे यांच्या नेतृत्वात गुन्हे शोध पथकाचे पोलीस उपनिरीक्षक नीलेश वाघमारे, विजय कोरडे, दौलत चालखुरे, शरीफ शेख, विलाक निकोडे, जयंता चुनारकर, पांडुरंग वाघमोडे, सतीश टोंगलकर यांनी केली.