पोंभुर्णा कोविड केअर सेंटरला ऑक्सिजन कॉन्सट्रेटर उपलब्ध

घोसरी : कोरोना रुग्णांची वाढती संख्या चिंताजनक असून, रुग्णांना योग्य उपचार मिळावेत, या हेतूने माजी केंद्रीय गृह राज्यमंत्री हंसराज अहिर यांच्या पुढाकारातून पोंभुर्णा ग्रामीण रुग्णालयातील कोविड केअर सेंटरला दोन ऑक्सिजन कॉन्सट्रेटर उपलब्ध करुन देण्यात आले आहेत.

नागरिकांच्या सुरक्षेबाबत आरोग्य विभाग गंभीर असून, नागरिकांनीही आपापली सुरक्षा बाळगून खबरदारी घ्यावी, असे आवाहन माजी केंद्रीय गृह राज्यमंत्री हंसराज अहिर यांनी यावेळी केले. यावेळी महाराष्ट्र प्रदेश कार्यकारिणी सदस्य खुशाल बोंडे, जिल्हा परिषद सदस्य राहुल संतोषवार, पंचायत समिती सदस्य गंगाधर मडावी, दर्शन गजानन गोरंटीवार, माजी नगराध्यक्ष श्वेता वनकर, माजी उपनगराध्यक्ष रजिया कुरेशी, सुनीता म्याकलवार, वैशाली बोलमवार, अजित मंगळगिरीवार, मोहन चलाख, ईश्वर नैताम, गजानन मडुपवार, अजय लोणारे, अजय मस्के, विनोद कानमपल्लीवार, ऋषी कोटरंगे, दिलीप म्याकलवार, चरण गुरनुले, आदी पदाधिकारी व कार्यकर्ते उपस्थित होते.