पोलिसावर काळाचा घाला

पोलिसाच्या दुचाकीला पोलिसांच्या अ‍ॅण्टी डेमो वाहनाने धडक दिली. यात सजन नजन शिसोदे या पोलिसाचा मृत्यू झाला आहे.

वाळूज महानगर : पत्नीला भेटुन सासरवाडीहून जालन्याकडे जाणाऱ्या पोलिसाच्या दुचाकीला पोलिसांच्या अ‍ॅण्टी डेमो वाहनाने धडक दिली. यात सजन नजन शिसोदे या पोलिसाचा मृत्यू झाला आहे. ही घटना शुक्रवारी रात्री ८ वाजेच्या सुमारास आसेगाव फाट्याजवळ घडली.

सजन नजन शिसोदे (३२ रा. राजावाडी ता.बदनापूर जि.जालना) हा गडचिरोली जिल्ह्यातील अकरापत्ती येथे पोलीस दलात कार्यरत आहे. सजन शिसोदे हे शुक्रवारी दुचाकीने (एम.एच.२१, ए.जे.१३६४) वैजापूर तालुक्यातील जम्मनवाडी येथे सासुरवाडीला गेले होते. तेथून राजावाडी येथे जाण्यासाठी निघाले. औरंगाबादकडे येत असताना आसेगाव फाटा ते खोजेवाडी फाटा दरम्यान ए.एस.क्लबकडून लासूरच्या दिशेने जाणाºया पोलिसांच्या अ‍ॅण्टी डेमो वाहनाने (एम.एच.२०, ए.एस.७३९१) रात्री ८ वाजेच्या सुमारास दुचाकीला धडक दिली.

यात सजन शिसोदे हे गंभीर जखमी झाले. घटनेनंतर वाहनातील पोलिसांंनी सजन शिसोदे यांना शासकीय रुग्णालयात दाखल केले. तेथे डॉक्टरांनी तपासून त्यांना रात्री ९.१५ वाजेच्या सुमारास मृत घोषित केले. त्यांच्या नातेवाईकांनी शासकीय रुग्णालयात गर्दी केली होती. या घटनेची एमआयडीसी वाळूज पोलीस ठाण्यात नोंद करण्यात आली आहे.