अखिल भारतीय मारवाडी महिला संमेलन

हेडगेवार हॉस्पिटल येथील दत्ताजी भाले रक्तपेढीत रक्तदान शिबिर, वृक्षारोपण, अनाथालयात मदत करण्यात आली, तर नेत्रदानाचा संकल्प देखील करण्यात आला. यावेळी प्रांतीय रक्तदान प्रमुख कंचन सोनी, उषा धूत, विजया काबरा, राष्ट्रीय अध्यक्षा शारदा लखोटिया, सोनाली सारडा, ज्योती राठी आदींनी उपक्रम यशस्वी केले.

शाखा अध्यक्ष वनिता खंडेलवाल, सचिव रश्मी जसोरिया यांनी महाराष्ट्राच्या परंपरेनुसार ढोल-तुतारी वाजवून शाल, पुष्पहार देऊन पाहुण्यांचे स्वागत केले. दीप्ती सारडा यांनी गणपती वंदना, पलक सारडा यांनी स्वागतगीत सादर केले. संजीवनी माली यांनी गरजू वृद्धांना व्हीलचेअर तसेच श्रुती खंडेलवाल यांनी मुलींसाठी शिलाई मशीन भेट दिले. शशी जैन, ललिता करवाने, पूर्व राष्ट्रीय अध्यक्ष सावित्री बाफना, पूर्व प्रांतीय अध्यक्ष ललिता मुथा, नवनिर्वाचित प्रांतीय अध्यक्ष प्रमिला दुसाद, प्रांतीय उपाध्यक्ष सरोज बगडिया, मीना सोनी, उषा धूत, रेखा राठी, आस्था खंडेलवाल यांचा कार्यक्रमात सहभाग होता. या उपक्रमात सिडको शाखेच्या साक्षी पहाडे, लासूर स्टेशनच्या सुनीता पाटणी, मिडटाऊनच्या अध्यक्षा दीपाली संचेती, सुप्रिया सुराणा यांनी पाहुण्याचे स्वागत केले. खंडेलवाल महिला मंचच्या अध्यक्षा अनीता खंडेलवाल, नीता खंडेलवाल, किरण शर्मा, पुष्पा खुटेटा, गीता अग्रवाल आदींची कार्यक्रमास उपस्थिती होती. कांचन सोनी यांनी सूत्रसंचालन केले व आभार मानले. राष्ट्रगीताने कार्यक्रमाची सांगता झाली.

फोटो कॅप्शन... अखिल भारतीय मारवाडी महिला संमेलनप्रसंगी उपक्रमातील एक छायाचित्र.