सिडनी, भारत विरुद्ध ऑस्ट्रेलिया : विराट कोहलीच्या दमदार अर्धशतकाच्या जोरावर भारताने तिसऱ्या ट्वेन्टी-20 सामन्यात ऑस्ट्रेलियावर सहा विकेट्स राखून विजय मिळवला. या विजयासह भारताने ही मालिका 1-1 अशी बरोबरीत राखली आहे.
भारतीय गोलंदाजांनी भेदक मारा केला असला तरी गचाळ क्षेत्ररक्षणाचा फटका भारताला बसला. त्यामुळे तिसऱ्या ट्वेन्टी-20 लढतीत ऑस्ट्रेलियाला प्रथम फलंदाजी करताना 164 धावा करता आल्या.
या आव्हानाचा पाठलाग करताना भारताच्या सलामीवीरांनी झोकात सुरुवात केली होती. पण रोहित शर्मा आणि शिखर धवन यांना मोठी खेळी साकारता आली नाही. हे दोघे बाद झाल्यावर लोकेश राहुल आणि रिषभ पंत यांनी आपल्या विकेट्स ऑस्ट्रेलियाला आंदण दिल्या. पण त्यानंतर कोहलीने दमदार फटकेबाजी करत संघाला विजय मिळवून दिला. कोहलीने 41 चेंडूंत 4 चौकार आणि दोन षटकारांसह नाबाद 61 धावांची महत्वपूर्ण खेळी साकारली.
Web Title: India vs AUS 3rd T20: India's Victory over Aussie With Half Centuries of virat kohli
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
