कोरोना व्हायरसमुळे लॉकडाऊन जाहीर झाल्यापासून अन्य क्रिकेटपटूंप्रमाणे रोहित शर्माही मुंबईतील घरातच आहे. फेब्रुवारीतील न्यूझीलंड दौऱ्यानंतर रोहित क्रिकेटपासून दूर आहे. आता पुढील महिन्यात रोहित मैदानावर फटकेबाजी करण्यासाठी सज्ज झाला आहे. इंडियन प्रीमिअर लीगमध्ये ( आयपीएल) रोहितची बॅट तळपताना पाहण्यासाठी सर्व आतूर आहेत. रोहितही दमदार फटकेबाजीसाठी सज्ज झाला असून मुंबई इंडियन्सनं त्याचा सरावाचा व्हिडीओ पोस्ट केला आहे.
आयपीएलच्या 13व्या पर्वाचे आयोजन संयुक्त अरब अमिरातमध्ये करण्यास केंद्र शासनाने सोमवारी औपचारिक मंजुरी प्रदान केली. लीगचे चेअरमन ब्रिजेश पटेल यांनी ही माहिती दिली. आयपीएलचे आयोजन 19 सप्टेंबर ते 10 नोव्हेंबर या कालावधीत शारजा, अबुधाबी आणि दुबईत होणार आहे. मुंबई इंडियन्सचा कर्णधार रोहित शर्मानं त्यासाठी कसून मेहनत घेतली आहे. रोहितच्या नेतृत्वाखाली मुंबई इंडियन्सनं सर्वाधिक 4 जेतेपदं पटकावली आहेत. गतवर्षी त्यांनी चेन्नई सुपर किंग्सला नमवून चौथे जेतेपद नावावर केलं होतं. आता यूएईत जेतेपद कायम राखण्याचं त्यांचं लक्ष आहे.
पाहा व्हिडीओ...
Rohit Sharma hits the nets!195 days since we last saw Hitman in action. The wait is Ro-over 👊💙
IPL 2020 यूएईत होणार असल्यानं मुंबई इंडियन्सची चिंता वाढली! यापूर्वी 2014मध्ये आयपीएलचा पहिला टप्पा यूएईत पार पडला होता. 2009मध्ये आयपीएल दक्षिण आफ्रिकेत खेळवण्यात आली होती आणि त्यानंतर संपूर्ण आयपीएल भारताबाहेर होण्याची ही पहिली वेळ आहे. 2014मध्ये झालेल्या आयपीएलचे एकूण 20 सामने यूएईत झाले होते. त्यापैकी 7 सामने अबु धाबी, 6 सामने शारजाह क्रिकेट स्टेडियमवर आणि 7 सामने दुबई इंटरनॅशनल क्रिकेट स्टेडियमवर झाले होते.
दुबई स्टेडियमवर 109 आंतरराष्ट्रीय सामने झाले आहेत, तर शाहजाहवर 263 आणि अबु धाबीत 103 आंतरराष्ट्रीय सामने खेळवण्यात आले आहेत. आयपीएलच्या 20 सामन्यांपैकी 11 सामने हे धावांचा पाठलाग करणाऱ्या संघानं जिंकली आहेत. 8 सामने हे प्रथम फलंदाजी करणाऱ्या संघानं जिंकली आहेत, तर एक सामना बरोबरीत सुटला. पण, मुंबई इंडियन्सची चिंता वाढवणारी आकडेवारी अशी की, त्यांना येथे एकही सामना जिंकता आलेला नाही. मुंबई इंडियन्सना यूएईत झालेल्या पाचही सामन्यांत पराभव पत्करावा लागला आहे. किंग्स इलेव्हन पंजाबनं सर्वच्या सर्व पाचही सामने जिंकले आहेत.
अन्य महत्त्वाच्या बातम्या
महेंद्रसिंग धोनीचा पहिला पगार किती होता माहित्येय; आज 760 कोटींचा धनी
निवृत्तीच्या घोषणेनंतर मेहंद्रसिंग धोनी अन् सुरेश रैनानं मारली मिठी; पाहा इमोशनल Video
सुरेश रैनाचे 'हे' विक्रम तुम्हाला करतील चकीत!
... म्हणून महेंद्रसिंग धोनीपाठोपाठ निवृत्तीसाठी सुरेश रैनानं 15 ऑगस्टचा दिवस निवडला
भारतीय क्रिकेटमधील सर्वात प्रभावशाली व्यक्तींपैकी तू एक आहेस - रोहित शर्मा
मला माहित्येय तुला रडावासं वाटतंय, पण...; पत्नी साक्षीची भावनिक पोस्ट