Kane Williamson One Handed Six Video, IPL 2022 CSK vs SRH Live: सनरायजर्स हैदराबाद विरूद्धच्या सामन्यात अष्टपैलू मोईन अली आणि कर्णधार रविंद्र जाडेजा यांच्या फटकेबाजीच्या जोरावर चेन्नई सुपर किंग्जने २० षटकांत १५४ धावा केल्या. या आव्हानाचा पाठलाग करताना हैदराबादचा सलामीवीर अभिषेक शर्मा याने IPLमधलं पहिलं अर्धशतक ठोकलं. मात्र, त्यापेक्षा जास्त चर्चेत राहिला तो केन विल्यमसनचा एकहाती षटकार.
हैदराबादचे सलामीवीर कर्णधार केन विल्यमसन आणि अभिषेक शर्मा या जोडीने तब्बल १३ षटकांची सलामी दिली. या दोघांनीही दमदार फलंदाजी केली. डावाच्या आठव्या षटकात मोईन अली गोलंदाजी करत होता. त्यावेळी केन विल्यमसनने पुढे येऊन एका हाताने थेट त्याच्या डोक्यावरून उत्तुंग असा षटकार लगावला. पाहा व्हिडीओ-
दरम्यान, त्याआधी प्रथम फलंदाजी करताना रॉबिन उथप्पा १५ तर ऋतुराज गायकवाड १६ धावांवर बाद झाले. त्यानंतर मोईन अली आणि अंबाती रायडूने अर्धशतकी भागीदारी केली. रायडू २७ धावांवर बाद झाला. पण मोईन अलीने दमदार फटकेबाजी करत ३५ चेंडूत ४८ धावा काढल्या. शेवटच्या टप्प्यात कर्णधार रविंद्र जाडेजाने २३ धावांची भर घातल्याने चेन्नईला १५४ धावांपर्यंत मजल मारता आली.