महेंद्रसिंग धोनी आता राजकारणाच्या मैदानात?; अमित शहा यांनी घेतली भेट

शहा यांनी नवी दिल्ली येथे धोनीची भेट घेतली. शहा यांच्याबरोबर केंद्रीय रेल्वे मंत्री पीयुष गोयलही हजर होते. पुढील वर्षी लोकसभा निवडणूका होणार आहेत. या निवडणूकीपूर्वी शहा हे देशातील काही मान्यवरांची भेट घेत आहेत.

ठळक मुद्देधोनी आता बीजेपीमध्ये जाणार का, या चर्चांना सुरुवात झाली आहे.

नवी दिल्ली : इंग्लंडविरुद्धच्या एकदिवसीय क्रिकेट मालिकेत भारताचा माजी कर्णधार महेंद्रसिंग धोनीवर टीका झाली होती. त्यानंतर धोनीने क्रिकेटमधून निवृत्ती घ्यावी, असे सल्लेही त्याला दिले गेले. त्यामुळेच कदाचित धोनी आता राजकारणाच्या मैदानात उतरण्याचा विचार करत असावा, असे दिसत आहे. कारण भारतीय जनता पक्षाचे (बीजेपी) अध्यक्ष अमित शहा यांनी आज धोनीची भेट घेतली. त्यामुळे धोनी आता बीजेपीमध्ये जाणार का, या चर्चांना सुरुवात झाली आहे.

As part of "Sampark for Samarthan" initiative, met @msdhoni, one of the greatest finishers in world cricket. Shared with him several transformative initiatives and unprecedented work done by PM @narendramodi's govt in the last 4 years. pic.twitter.com/dpFnPWTwWn

— Amit Shah (@AmitShah) August 5, 2018

भाजपचे सध्या संपर्क अभियान सुरु आहे. या अभियाना अंतर्गत शहा यांनी नवी दिल्ली येथे धोनीची भेट घेतली. शहा यांच्याबरोबर केंद्रीय रेल्वे मंत्री पीयुष गोयलही हजर होते. पुढील वर्षी लोकसभा निवडणूका होणार आहेत. या निवडणूकीपूर्वी शहा हे देशातील काही मान्यवरांची भेट घेत आहेत. यापूर्वी शहा यांनी रतन टाटा, लता मंगेशकर, माधुरी दीक्षित यांचीही भेट घेतली होती.