दक्षिण आफ्रिकेचा दिग्गज फलंदाज हाशिम आमला याने सर्व प्रकारच्या क्रिकेटमधून निवृत्ती जाहीर केली. दोन दशकं त्याने क्रिकेटचे मैदान गाजवले आणि सर्व प्रकारच्या क्रिकेटमध्ये त्याने एकूण ३४,१०४ धावा केल्या. ३९ वर्षीय आमलाने १२४ कसोटींत २८ शतकं झळकावली आहेत, तर वन डे क्रिकेटमध्ये त्याच्या नाववर २७ शतकं आहेत. २०१२मध्ये त्याने इंग्लंडविरुद्ध ३११ धावा चोपल्या होत्या आणि दक्षिण आफ्रिकेकडून त्रिशतक झळकावणारा तो पहिला फलंदाज ठरला होता.
इंडियन प्रीमिअर लीगमध्ये तो किंग्स इलेव्हन पंजाबचा सदस्य होता. याशिवाय त्याने स्थानिक क्रिकेटमध्ये Kwa-Zulu Natal, Dolphins आणि Cape Cobras संघांचे प्रतिनिधित्व केले आहे. कौंटी क्रिकेटमध्ये तो Derbyshire, Hampshire, Nottinghamshire आणि Essex आदी क्लबकडून खेळला.