भारतीय संघाचा कर्णधार विराट कोहलीनं अनेक विक्रम आपल्या नावावर केले आहेत. त्यामुळे जगभरात त्याचा मोठा चाहतावर्ग निर्माण झाला आहे. त्यामुळेच सोशल मीडियावर कोहलीची चलती आहे. सोशल मीडियावर फॉलो केल्या जाणाऱ्या क्रिकेटपटूमध्ये कोहलीनं महान फलंदाज सचिन तेंडुलकर आणि कॅप्टन कूल महेंद्रसिंग धोनीलाही मागे टाकले आहे. जाणून घेऊया कोणाचे किती फॉलोअर्स...
ट्विटर, फेसबूक आणि इंस्टाग्राम आदी सोशल मीडियावर कोहलीचे 30 मिलियनहून अधिक फॉलोअर्स आहेत. इंटरनेटवरही सर्वाधिक फॅन फॉलोअर्स असलेल्या क्रिकेटपटूंमध्ये कोहली अव्वल स्थानावर आहे.
मास्टर ब्लास्टर तेंडुलकर या क्रमवारीत दुसऱ्या क्रमांकावर आहे. ट्विटरवर त्याचे 30.1 मिलियन फॉलोअर्स आहेत, तर फेसबूकवर 28 मिलियन आणि इंस्टाग्रामवर 16.5 मिलियन फॉलोअर्स आहेत.
महेंद्रसिंग धोनीचे इंस्टाग्रामवर 15.4 मिलियन, फेसबुकवर 20.5 मिलियन आणि ट्विटरवर 7.7 मिलियन फॉलोअर्स आहेत.
उपकर्णधार रोहित शर्माचे फेसबुक, इंस्टाग्राम आणि ट्विटरवर मिळून 10 मिलियन फॉलोअर्स आहेत
सुरेश रैनाचे फेसबुकवर 3.1 मिलियन, ट्विटरवर 16.7 मिलियन आणि इंस्टावर 9 मिलियन फॉलोअर्स आहेत
युवराज सिंगचे फेसबुक, ट्विटर आणि इंस्टावर अनुक्रमे 14, 4.7 आणि 7.5 मिलियन फॉलोअर्स आहेत
हरभजन सिंगही यात मागे नाही. ट्विटरवर त्याचे 10 मिलियन, इंस्टावर 3.6 मिलियन आणि फेसबुकवर 6.6 मिलियन फॉलोअर्स आहेत.