नात्याला काळीमा! डोळ्यासमोर तडफडत होती सख्खी बहीण अन् 'तिला' पाहून हसत होता खुनी भाऊ
By ऑनलाइन लोकमत | Published: September 12, 2021 03:30 PM2021-09-12T15:30:22+5:302021-09-12T15:31:24+5:30
Crime News : एका भावानेच आपल्या बहिणीच्या डोक्यात गोळी झाडत तिची हत्या केली.
नात्याला काळीमा! डोळ्यासमोर तडफडत होती सख्खी बहीण अन् 'तिला' पाहून हसत होता खुनी भाऊ
Next नवी दिल्ली - देशात अनेक धक्कादायक घटना घडत आहेत. याच दरम्यान बहीण भावाच्या नात्याला काळीमा फासणारी एक घटना घडली आहे. उत्तर प्रदेशमध्ये (Uttar Pradesh) भयंकर घटना समोर आली आहे. एका भावानेच आपल्या बहिणीच्या डोक्यात गोळी झाडत तिची हत्या केली. आपल्या बहिणीच्या प्रेमप्रकरणाबद्दल भावाला माहीत झालं होतं. त्यामुळेच बदनामीच्या भीतीने त्याने हे टोकाचं पाऊल उचललं. गोळी मारल्यानंतर मरणाच्या आधी बहीण तडफडत होती. मात्र भाऊ तिथेच उभा राहून हसत राहिला.
मिळालेल्या माहितीनुसार, ही घटना मेरठच्या सरधना येथील आहे. रात्री उशिरा घरात सर्व झोपलेले असताना आरोपी आरिफने हे धक्कादायक कृत्य केलं आहे. याआधीही आपल्या बहिणीला मारण्याचा प्रयत्न केला असल्याचं आरोपीने म्हटलं आहे. जेव्हा मुलगी मरणाच्या दारात होती आणि तडफडत होती, तेव्हा आरोपी तिला म्हणत होता की मी तुला किती वेळा समजावलं. मात्र, तू आमचं ऐकलं नाहीस आणि आमची बदनामी करत राहिली. आरोपीने आमच्या कुटुंबाची तिच्यामुळे भरपूर बदनामी होत होती असं देखील म्हटलं आहे.
भाजपा नेत्याच्या हत्येने परिसरात खळबळ; पोलीस घटनास्थळी दाखल, अधिक तपास सुरू #BJP#crime#Policehttps://t.co/MwEC8F8AYy
— Lokmat (@MiLOKMAT) September 10, 2021
बहिणीच्या प्रेमप्रकरणाची माहिती मिळताच भावाने उचललं टोकाचं पाऊल
मेरठच्या सरधना ठाण्याच्या क्षेत्रातील मोहल्ला इस्लामाबादमध्ये आपल्या मामाकडे राहणाऱ्या सिमरनचं आपल्याच शेजारी राहणाऱ्या एका तरुणासोबत अफेअर होतं. या मुलीला आपल्या प्रियकरासोबत लग्न करायचं होतं. मात्र कुटुंबीयांचा याला विरोध होता. जेव्हा कुटुंबीयांना याबाबत माहिती झाली तेव्हा त्यांनी मुलीवर नजर ठेवण्यास सुरुवात केली आणि तिचं घरातून बाहेर जाणं बंद केलं. मात्र तरीही ही मुलगी मोबाईलवरुन आपल्या प्रियकरासोबत बोलत असे. हत्येच्या 3 दिवस आधी तिच्या लहान भावानं तिला प्रियकरासोबत पाहिलं होतं. यानंतर त्याला प्रचंड राग आला आणि त्यानं आपल्या बहिणीला मारण्याचा प्लॅन केला.
भयंकर! खिशातून धूर आला अन् अवघ्या 10 दिवसांपूर्वी घेतलेला फोन फुटला; OnePlus Nord 2 5G चा भीषण स्फोट#OnePlusNord25Ghttps://t.co/hPw9UeXyyLpic.twitter.com/bZZmGn6psz
— Lokmat (@MiLOKMAT) September 10, 2021
मुलीला रक्ताच्या थारोळ्यात पडलेलं पाहून सर्वच हैराण
आरोपीनं जेव्हा बहिणीची हत्या केली तेव्हा ती झोपलेली होती. गोळीचा आवाज आणि सिमरन ओरडल्याने घरातील सर्व जण जागे झाले. टेबलवर आपल्या मुलीला रक्ताच्या थारोळ्यात पडलेलं पाहून सर्वच हैराण झाले. आरिफ शेजारीच उभा होता, त्याच्या हातात बंदुक होती अन् तो हसत हसत तिथेच उभा होता. घटनेची माहिती मिळताच रात्री दीड वाजता पोलीस याठिकाणी पोहोचले आणि मुलीला रुग्णालयात दाखल केलं. पोलिसांनी बहिणीच्या हत्येप्रकरणी आरिफला अटक केली. पोलीस या प्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे.
बापरे! बारावी पास तरुणाने डॉक्टरला जाळ्यात ओढलं अन् तब्बल 2 कोटींना लुटलं; अशी झाली पोलखोल#Doctor#Honeytraphttps://t.co/xxxmh8G7Vq
— Lokmat (@MiLOKMAT) September 8, 2021