खळबळजनक! अल्पवयीन विद्यार्थ्याची मित्रांनी केली कुऱ्हाडीने हत्या अन्...

अखिल हा पथानामथिट्टा जिल्ह्यातील अंगदिक्कलदिक्ळ परिसरातील रहिवासी होता.

ठळक मुद्देखुनाच्या आरोपाखाली पोलिसांनी दोन विद्यार्थ्यांना अटक केली.अखिलची खेळादरम्यान मित्रांसोबत शाब्दिक बाचाबाची झाली. याच रागाच्या भरात त्याच्या दोन मित्रांनी अखिलवर कुऱ्हाडीने वार केला.

केरळमधील एका अल्पवयीन विद्यार्थ्याला त्याच्या दोन मित्रांनी ठार मारल्याची हृदयद्रावक घटना समोर आली आहे. खुनाच्या आरोपाखाली पोलिसांनी दोन विद्यार्थ्यांना अटक केली. पोलिसांनी दिलेल्या माहितीनुसार, मृत 16 वर्षीय विद्यार्थ्याचे नाव अखिल आहे. अखिल हा पथानामथिट्टा जिल्ह्यातील अंगदिक्कलदिक्ळ परिसरातील रहिवासी होता.


पोलिसांनी सांगितले की, अखिलची खेळादरम्यान मित्रांसोबत शाब्दिक बाचाबाची झाली. याच रागाच्या भरात त्याच्या दोन मित्रांनी अखिलवर कुऱ्हाडीने वार केला. हत्येनंतर त्याचा मृतदेह बागेत पुरण्यात आला. अखिलला ठार मारल्यानंतर त्याचे मित्र पळून गेले. नंतर पोलिसांनी हत्येच्या आरोपावरून त्याच्या दोन मित्रांना अटक केली.

विशेष म्हणजे आजकाल विद्यार्थी मोबाईलचा अधिक वापर करतात आणि ते सतत सोशल मीडियाशी जोडलेले असतात. व्हॉट्स अ‍ॅप आणि फेसबुकवर विद्यार्थी जास्त वेळ घालवतात. त्यामुळे सोशल मीडियाच्या माध्यमातून निर्माण झालेल्या शत्रूच्या मुद्यावरही पोलिस तपास करत आहेत.

दिल्लीच्या पटेल नगर भागात दिवसाढवळ्या एका व्यक्तीला चाकू मारून ठार मारण्यात आले. या हृदयद्रावक घटनेचे सीसीटीव्ही फुटेजही समोर आले आहे. ही घटना सोमवारी सायंकाळी पाचच्या सुमारास घडली. कृष्णा शाह असे मृताचे नाव आहे. चाळीस वर्षीय कृष्णा पटेल नगरच्या प्रेम नगर भागात राहत होती. या घटनेनंतर स्थानिक पोलिस आणि गुन्हे शाखेच्या पथकाने घटनास्थळी दाखल करून या प्रकरणाचा तपास सुरू केला आहे. ही घटना घडली तेथे एक सीसीटीव्ही कॅमेरा देखील होता. संपूर्ण घटना या सीसीटीव्ही कॅमेऱ्यात कैद झाली आहे. या सीसीटीव्ही फुटेजच्या आधारे पोलिस आता आरोपींचा शोध घेत आहेत.