हेल्थ केअर सेंटरच्या नावाखाली सुरु होता देहव्यापार, डॉक्टरसह तिघांना अटक

Prostitution under the name of Health Care Center डॉक्टरसह तीघांना शुक्रवारी रात्री उशीरा रंगेहाथ अटक करून पोलीस अधिक्षकांच्या दहशतवादविरोधी पथकाने सेक्स रॅकेटचा भंडाफोड केला.

ठळक मुद्देजवाहर नगर भागात तेजस्वी हेल्थ केअर सेंटर आहे.या सेंटरवर शुक्रवारी रात्री उशीरा छापा टाकण्यात आला.डॉ. प्रदीप देशमुख याच्यासह संतोष सानप, रतन लोखंडे व पिडीत महिलेस ताब्यात घेण्यात आले.

अकोला : शहरातील उच्चभ्रू वस्तीत हेल्थ केअर सेंटरच्या नावाखाली वेश्याव्यवसाय चालविणाऱ्या डॉक्टरसह तीघांना शुक्रवारी रात्री उशीरा रंगेहाथ अटक करून पोलीस अधिक्षकांच्या दहशतवादविरोधी पथकाने सेक्स रॅकेटचा भंडाफोड केला.

शहरातील उच्चभ्रू भाग म्हणून गणल्या जाणाऱ्या जवाहर नगर भागात तेजस्वी हेल्थ केअर सेंटर आहे. या ठिकाणी डॉ. प्रदीप देशमुखने महिलांच्या माध्यमातून देह व्यापार मांडल्याची माहिती दहशतवादविरोधी पथकास प्राप्त झाली. पथक प्रमुख विलास पाटील यांनी माहीतीची पडताळणी केल्यानंतर शहर पोलीस अधीक्षक सचिन कदम यांच्या नेतृत्वात या सेंटरवर शुक्रवारी रात्री उशीरा छापा टाकण्यात आला. यावेळी डॉ. प्रदीप देशमुख याच्यासह संतोष सानप, रतन लोखंडे व पिडीत महिलेस ताब्यात घेण्यात आले. पथकाच्या तक्रारीवरून सिव्हील लाइन पोलीस ठाण्यात आरोपींविरुद्ध गुन्हा दाखल करण्यात आला आहे.