मुलीसमोर पतीला ठार करून ज्या रुममध्ये दफन केलं तिथेच महिला प्रियकरासोबत राहत होती, त्यानंतर...

मुंबईच्या पश्चिम उपनगरात दहिसरमध्ये २८ वर्षीय महिलेने प्रियकरासोबत मिळून पतीची हत्या केली.

ठळक मुद्देया आरोपी महिलेचं नाव राशिदा शेख असं आहे. तर प्रियकराचं नाव अमित मिश्रा असं सांगण्यात आलं आहेदहिसर पूर्व येथील रावलपाडा येथे १२ दिवसांपूर्वी ही घटना घडली आहे.रईस शेखचा भाऊ राशिदाच्या घरी आला तेव्हा अल्पवयीन मुलीने घडलेला सगळा प्रसंग काकाला सांगितला.

मुंबई – महिलेने पतीची हत्या करून त्याचा मृतदेह घरात दफन केल्याची धक्कादायक घटना मुंबईत घडली आहे. इतकचं नाही तर ज्या घरात पतीचा मृतदेह दफन केला तिथेच महिलेचा प्रियकर तिच्यासोबत राहत होता. या घटनेने पोलीसही चक्रावले. पोलिसांनी प्रियकर आणि महिलेच्या विरोधात गुन्हा दाखल करून त्याच तपास सुरू केला आहे.

मुंबईच्या पश्चिम उपनगरात दहिसरमध्ये २८ वर्षीय महिलेने प्रियकरासोबत मिळून पतीची हत्या केली. त्यानंतर पतीचा मृतदेह घरातच दफन केला. या आरोपी महिलेचं नाव राशिदा शेख असं आहे. तर प्रियकराचं नाव अमित मिश्रा असं सांगण्यात आलं आहे. या प्रकरणात पोलिसांनी राशिदाला अटक केली आहे. पोलीस अधिकाऱ्यांनी सांगितले की, दहिसर पूर्व येथील रावलपाडा येथे १२ दिवसांपूर्वी ही घटना घडली आहे.

याठिकाणी अल्पवयीन मुलीसमोरच राशिदा शेखने पती रईस शेखची धारदार शस्त्राने निर्घुण हत्या केली. त्यानंतर राशिदा आणि तिचा प्रियकर अमितने रईसचा शेखचा मृतदेह महिलेच्या रुममध्येच दफन केला होता. रईस शेखचं कपड्याच्या दुकानात सेल्समेन म्हणून काम करत होता. एक आठवड्यापासून अधिक दिवस रईसला शेजाऱ्यांनी पाहिलं नाही. तेव्हा २५ मे रोजी त्यांनी रईस शेख बेपत्ता झाल्याची तक्रार नोंदवली.

ज्यावेळी रईस शेखचा भाऊ राशिदाच्या घरी आला तेव्हा अल्पवयीन मुलीने घडलेला सगळा प्रसंग काकाला सांगितला. त्यानंतर रईसच्या भावने पोलीस स्टेशनला याबाबत माहिती कळवली. त्यानंतर पोलिसांनी घटनास्थळी येऊन रईसचा मृतदेह बाहेर काढला आणि पोस्टमोर्टमसाठी पाठवला.