व्हॉलिबॉल असोसिएशनची तुळजापुरात सभा

प्रशिक्षणार्थिंना दिला निरोप

उस्मानाबाद : येथील राजर्षी शाहू संगणक महाविद्यालयातील सागर काळे, राहुल काळे, अजय दोनगहू, परमेश्वर रोडडे, विनोद कांबळे, परमेश्वर भालेराव, फकीर तोहिद, रतन सुरणार व विनोद अवतारे या विद्यार्थ्यांची प्रशिक्षणासाठी निवड झाली आहे. त्यांना महाविद्यालयाच्या वतीने निरोप देण्यात आला. यावेळी प्रा. सुरेश शेलार, नितीन चव्हाण, देशमुख, शरीफ शेख, काँग्रेसचे जिल्हा उपाध्यक्ष देडे, प्राचार्य प्रदीप भांडवले, प्रा. संदीप भांडवले, प्राचार्य प्रा. बलभीम ओव्हाळ आदी उपस्थित होते.

झोपडपट्टी शाळेला केंद्रप्रमुखांची भेट

तामलवाडी : तुळजापूर तालुक्यातील सुरतगाव झोपडपट्टी भागातील जिल्हा परिषद प्राथमिक शाळेला केंद्रप्रमुख रमाकांत वाघचौरे यांनी भेट देऊन ऑनलाईन व ऑफलाईन अभ्यासक्रमाचा आढावा घेतला. तसेच शिक्षणातील समस्या व अडचणी जाणून घेऊन विद्यार्थ्यांचे वाचन घेतले. यावेळी मुख्याध्यापिका छाया सूर्यवंशी, सहशिक्षक आबा मगर, शालेय समिती अध्यक्षा सोनाली गुंड, समितीच्या सदस्या आशा मगर, सुलभा गुंड यांची उपस्थिती होती.

‘जनावरांना आवरा’

कळंब : शहरात मोकाट जनावरांचा मुक्त संचार सुरू असल्याने नागरिक तसेच वाहनधारक देखील त्रस्त झाले आहेत. रहदारीच्या मार्गावर ही जनावरे थांबत असल्याने अपघाताचा धोका वाढला असून, या जनावरांचा बंदोबस्त करण्याची मागणी होत आहे.