तलाक, तलाक, तलाक ..

प�

��किस्तान क्रिके ट संघांचा माजी कॅप्टन व तहरिक-ए-इंसाफ पार्टीचा प्रमुख इम्रान खानने आपल्या दुसर्‍या पत्नीला घटस्फोट दिलाय. 63 वर्षीय इम्रानने दहा महिन्यांपूर्वी बीबीसी मध्ये अँकर असलेली रेहम खान हिच्याशी गेल्या वर्षी डिसेंबर महिन्यात संसार थाटला होता. दहाच महिन्यात त्यांचा संसाराचा डाव मोडला. दोघेही विभक्त झाल्याच्या बातमीला तहरिक-ए-इंसाफ पार्टीच्या प्रवक्त्याने दुजोरा दिला आहे. आता तो पुन्हा आपली पहिली पत्नी जेमीमा व तीन मुलांकडे जाणार असल्याचे सांगण्यात येत आहे. 42 वर्षीय रेहम तीन मुलांची आई असून इजाझ रेहमान यांच्याशी रेहमने 2005 साली घटस्फोट घेतल्यावर इम्रानशी लग्न केले. पाकिस्थानात लोकप्रिय असलेल्या इम्रानच्या राजकीय पक्षात वाढणारा रेहमचा हस्तक्षेप आवडत नसल्याने त्यांचात वादाला सुरुवात झाली, अशा प्रकारच्या बातम्या पाक मीडियात झळकू लागल्या होत्या. अशातच त्याला जेमीमाचा आधार मिळाला होता. रेहमशी काडीमोड झाल्यामुळे जेमीमा व इम्रान पुन्हा एकत्र येणार का अशी चर्चा रंगू लागली आहे.