A.R.Rehman on Will Smith Controversy : हॉलिवूड अभिनेता विल स्मिथने ऑस्कर २०२२ मध्ये जे काही केलं त्याची चर्चा जगभरात झाली. पत्नीची खिल्ली उडवल्यामुळे विल स्मिथने ऑस्करचा होस्ट क्रिस रॉक याचा नॅशनल टेलिव्हिजनवर कानशीलात लगावली होती. यानंतर विलवर जोरदार टिका झाली होी. पण काही लोकांनी विलला सपोर्टही केला होता. आता प्रसिद्ध संगीतकार एआर. रहमान यांनाही विल स्मिथच्या वागण्यावर आपली प्रतिक्रिया दिली आहे.
एआर. रहमान कॉमेडी शो द कपिल शर्मा शोमध्ये 'हिरोपंती २'च्या स्टारकास्टसोबत आला होता. यावेळी कपिलने रहमानला मजेदार प्रश्न विचारला. शोच्या पोस्ट का पोस्टमार्टम सेगमेंटमध्ये स्क्रीनवर एआर. रहमानचा विल स्मिथसोबतचा फोटो दाखवण्यात आला. यानंतर कपिलने फनी कमेंट्स वाचणं सुरू केलं होतं. ज्यातील बऱ्याच कमेंट्स विल स्मिथ वादाबाबत होत्या.
यानंतर विल स्मिथसोबतच अनुभव शेअर करताना एआर.रहमान म्हणाला की, 'विल स्मिथ स्वीटहार्ट आहे. तो एक चांगला माणूस आहे. कधी कधी अशा गोष्टी होत असतात'. सोशल मीडिया एआर. रहमानने दिलेल्या विल स्मिथवरील प्रतिक्रियेची चर्चा होत आहे. रहमान हा ग्लोबली आपल्या म्युझिकसाठी प्रसिद्ध आहे. अनेक हॉलिवूड स्टार्ससोबत त्याने काम केलं आहे. हॉलिवूडमध्ये रहमान हे मोठं नाव आहे.
दरम्यान, गेल्या आठवड्यात विल स्मिथ मुंबईतील एअरपोर्टवर दिसला होता. ऑस्कर वादानंतर तो पहिल्यांदाच पब्लिक स्पेसमध्ये दिसला होता. विल स्मिथ फारच आध्यात्मिक आहे. तो महाराष्ट्रातील वाडा येथील श्री श्री राधा वृंदावन बिहारीमध्ये गेला होता. इथे तो तीन दिवस थांबला होता.