'आई कुठे काय करते'मध्ये अनघा आहे गरोदर, पण अभीला नकोय हे मुल; अरुंधती सुनावणार खडेबोल

Aai Kuthe Kay Karte:'आई कुठे काय करते' मालिका उत्कंठावर्धक वळणावर आली आहे.

स्टार प्रवाह (Star Pravah) वाहिनीवरील लोकप्रिय मालिका 'आई कुठे काय करते' (Aai Kuthe Kay Karte) मालिका उत्कंठावर्धक वळणावर आली आहे. मालिकेत एकीकडे अरुंधती आणि आशुतोषची मैत्री दिवसेंदिवस घट्ट होत चालली आहे तर दुसरीकडे अनिरुद्ध त्या दोघांनी एकत्र येऊ नये म्हणून प्रयत्न करतो आहे. दरम्यान आता देशमुखांच्या कुटुंबात आनंदाचे वातावरण आहे. त्याला कारणही तसे खास आहे. अनघा गरोदर असल्यामुळे सर्वजण खूश आहेत. मात्र अभिषेक नाराज झाल्याचे दिसत आहे.

नुकताच मालिकेचा नवीन प्रोमो समोर आला आहे. त्यात पाहायला मिळत आहे की, अरुंधती देशमुखांच्या बंगल्यात येते तेव्हा अनिरुद्ध अरुंधतीचे अभिनंदन करत तिला सांगतो की तू आजी होणार आहेस. हे ऐकल्यावर अरुंधती खूप खूश होते आणि अनघाला पेढा भरवण्यासाठी जात असते. इतक्यात अभिषेक बोलतो की मला हे मूल नको आहे. तू हाउसवाईफ होतीस, आमचे करिअर बाकी आहे अजून. त्यावर लगेच संजना म्हणते की, बरोबर बोलतोय अभि. त्यावर अरुंधती तिला गप्प बसवते आणि अभिला म्हणते की, तुम्ही जर माझ्या करिअरचा विचार केला असता ना तर तू आज या जगातही नसतास. अरुंधती आणि घरच्यांचे म्हणणे ऐकल्यानंतर अभिषेक काय निर्णय घेणार, हे पाहणे कमालीचे ठरणार आहे.

काही दिवसांपूर्वी आशुतोषचा अपघात झाला होता. त्यानंतर आता तो त्यातून पूर्णपणे बरा झाला असून ऑफिसमध्येही जावू लागला आहे. तर त्यांच्याच कंपनीत आशुतोष अविनाशला नोकरी देतो. हे अरुंधतीला समजते तेव्हा ती खूप चिडते. तिला हे अजिबात पटत नाही. यावरून त्या दोघांमध्ये वाद होतात आणि रागाच्या भरात मी राजीनामा देते असे सांगून निघते. मात्र नंतर त्या दोघांना त्यांच्या चुकीची जाणीव होते. ते एकमेकांची माफी मागण्यासाठी येतात. पण अरुंधतीच्या घरी अनिरुद्धला पाहून आशुतोष अरुंधतीशी काहीही न बोलता निघून जातो. त्यामुळे आता पुढे काय घडणार हे पाहणे कमालीचे ठरणार आहे.