'आई कुठे काय करते' (Aai Kuthe Kay Karte) ही छोट्या पडद्यावरील लोकप्रिय मालिका आहे. टीआरपीचे सर्व रेकॉर्ड मोडीस काढणाऱ्या या मालिकेचा मोठा प्रेक्षकवर्ग आहे. सोशल मीडियावर सतत मालिकेची चर्चा होताना असते. सध्या मालिका एका नव्या वळणावर आली आहे. नुकतंच अरूंधतीने आशुतोषसोबत लग्न करून आयुष्याची नव्याने सुरूवात केली आहे. रिअल लाईफमध्ये अरूंधतीचं अर्थात ही भूमिका साकारणाऱ्या मधुराणी प्रभुलकरचं (Madhurani Gokhale Prabhulkar) काय सुरू आहे? तर खऱ्या आयुष्यातही तिने एक नवी सुरूवात केली आहे. होय, मधुराणीनं इन्स्टा रील बनवण्याचा प्रयत्न केला आहे. सध्या तिचं हे रील सोशल मीडियावर चांगलचं चर्चेत आलं आहे.
सध्या रीलचा जमाना आहे. विविध ट्रेडवर अनेक कलाकार त्यांचे रील बनवताना दिसतात. यामुळं सोशल मीडियावर सक्रीय असलेले सेलेब्स नेहमी चर्चेत राहतात. मधुराणीलाही हा मोह आवरता आला नाही. एका ट्रेंडवर नुकतंच तिने एक रिल बनवलं. rending reel करायचं आयुष्यातलं पाहिलं temptetion..., असं कॅप्शन देत तिने हा रील व्हिडीओ शेअर केला आहे.
तिच्या या पहिल्यावहिल्या रीलवर चाहत्यांनी भरभरून कमेंट्स केल्या आहेत. काहींना तिचा हा पहिला प्रयत्न चांगलाच आवडला आहे. काहींनी मात्र नको नको, या रिल रूटीनपासून लांब राहा, तू जशी आहेस तशीच चांगली आहेस, असं म्हटलं आहे. 'आई कुठे काय करते' मालिकेच्या माध्यमातून मधुराणी घराघरात पोहोचली. तिने अरुंधती बनून प्रेक्षकांची मनं जिंकली. ती आता प्रेक्षकांना आपल्याच घरातील एक सदस्य वाटू लागली आहे. दुसरीकडे सोशल मीडियावरही मधुराणीचा मोठा चाहतावर्ग आहे. त्यामुळे तिने केलेल्या पोस्टही नेटकऱ्यांमध्ये वाऱ्यासारख्या व्हायरल होतात.
मधुराणीनं आई कुठे काय करते या मालिकेपूर्वी 'इंद्रधनुष्य','असंभव' या मालिकेतही काम केलं आहे. 'सुंदर माझं घर', 'गोड गुपित', 'समांतर, 'नवरा माझा नवसाचा', 'मणी मंगळसूत्र' यांसारख्या मराठी सिनेमातही ती झळकली आहे. मधुराणीने'आई कुठे काय करते' या मालिकेतून जवळपास 10 वर्षांनंतर टीव्हीवर कमबॅक केलं आहे.