'विठूचा गजर...' करत अभिनेत्री मृण्मयी देशपांडेने मराठमोळ्या साजश्रृंगारातील शेअर केले फोटो

मृण्मयी देशपांडेने नुकतेच मराठमोळ्या साजातील फोटो इंस्टाग्रामवर शेअर करून चाहत्यांचे लक्ष वेधून घेतले आहे.

मराठी चित्रपटसृष्टीतील प्रसिद्ध अभिनेत्री मृण्मयी देशपांडे हिने चित्रपटात विविध भूमिका साकारून रसिकांच्या मनावर अधिराज्य गाजविले आहे. मृण्मयी सध्या सोशल मीडियावर खूप सक्रीय आहे. ती या माध्यमातून चाहत्यांच्या संपर्कात असते. बऱ्याचदा ती इंस्टाग्रामवर फोटो शेअर करत असते. नुकतेच तिने मराठमोळ्या साजातील फोटो इंस्टाग्रामवर शेअर करून चाहत्यांचे लक्ष वेधून घेतले आहे.

अभिनेत्री मृण्मयी देशपांडे हिने इंस्टाग्रामवर मराठमोळ्या अंदाजातील फोटो शेअर करत लिहिले की, विठूचा गजर..गुरुवार ते शनिवार रात्री साडेनऊ वाजता.. फक्त झी मराठीवर.. सारेगमप लिटिल चॅम्प्स..

या फोटोत मृण्मयीने पांढऱ्या रंगाची साडी, आंबाडा आणि त्यावर गजरा, नाकात नथ, कपाळावर चंद्राची कोर या सर्व गोष्टींनी तिच्या सौंदर्याला चारचाँद लावले आहेत. मृण्मयीचा मराठमोळा अंदाज चाहत्यांना खूप भावतो आहे. तिच्या या फोटोवर लाइक्स आणि कमेंट्सचा वर्षाव होतो आहे.

खरेतर मृण्मयीने मराठमोळा साज सारेगमप लिटिल चॅम्प्स शोमध्ये आषाढी एकादशी स्पेशल भागासाठी केली आहे. सध्या मृण्मयी सारेगमप लिटिल चॅम्प्सचे सूत्रसंचालन करते आहे.  

कट्यार काळजात घुसली', नटसम्राट, 'स्लॅमबुक' या चित्रपटात मृण्मयी देशपांडेने दमदार परफॉर्मन्स दिला आहे. 'अग्निहोत्र', 'कुंकू' यासारख्या मालिकांमधून तिने प्रेक्षकांच्या मनावर अधिराज्य गाजवले आहे.

नाटक, सिनेमा आणि मालिका या तिन्ही माध्यमांत उत्तम अभिनय आणि वैविध्यपूर्ण भूमिका साकारून आपला वेगळा ठसा मृण्मयी देशपांडेने उमटविला आहे. मन फकिरा चित्रपटातून मृण्मयीने दिग्दर्शनात पदार्पण केले आहे.